ກິດຈະກຳ ແລະ ການເຄື່ອນໄຫວ

ການຝຶກອົບຮົມລ້ຽງປາ ແລະ ຂະຫຍາຍພັນປາ ແມ່ນໄດ້ຈັດຕັ້ງປະຕິບັດຢູ່ເມືອງໄກສອນ, ແຂວງສະຫວັນນະເຂດ ເຊີ່ງມີຜູ້ເຂົ້າຮ່ວມ 34 ຄົນ ລວມທັງຄະນະຮັບຜິດຊອບການຝຶກ, ເປັນຫຼັກສູດໄລຍະສັ້ນ 5 ວັນ, ເລີ້ມຝຶກແຕ່ວັນທີ່ 1-5 ຕຸລາ 2026 ເຊີ່ງໄດ້ສ້າງຄວາມຮູ້ຄວາມສາມາດ ແລະ ວິທີການລ້ຽງປາ ໃຫ້ແກ່ປະຊາຊົນ ແຮງງານຢູ່ແຂວງສະຫວັນນະເຂດ

ໃນຕອນບ່າຍຂອງວັນທີ 28 ກັນຍາ 2026 ຫນ່ວຍຊາວຫນຸ່ມສະຖາບັນພັດທະນາສີມືແຮງງໄດ້ຈັດກອງປະຊຸມຂື້ນທີ່ຫ້ອງປະຊຸມໃຫຍ່ຂອງສະຖາບັນພັດທະນາສີມືແຮງງານ, ໃຫ້ກຽດເປັນປະທານກອງປະຊຸມດັ່ງກ່າວ ໂດຍ ສະຫາຍ ແສງອຸທິດ ຈັນທະປັນຍາ ຄະນປະຈໍາ ຄະນະບໍລິຫານງານຊາວໜຸ່ມກະຊວງແຮງງານ ແລະ ສະຫວັດດີການສັງຄົມ, ເລຂາໜ່ວຍຊາວໜຸ່ມສະຖາບັນພັດທະນາສີມືແຮງງານ, ມີ ສະຫາຍ ຄອນສີ ມະຫາວົງ ເລຂາຄະນະບໍລິຫານງານຊາວ ໜຸ່ມກະຊວງແຮງງານ ແລະ ສະຫວັດດີການສັງຄົມ ພ້ອມດ້ວຍສະມາຊິກຊາວໜຸ່ມສະຖາບັນພັດທະນາສີມືແຮງງານເຂົ້າຮ່ວມຢ່າງພ້ອມພຽງ;
ຈຸດປະສົງຂອງກອງປະຊຸມ:
1. ເພື່ອສະຫຼຸບວຽກງານການເຄື່ອນໄຫວຂະບວນການ ແລະ ຮ່ວມຊີວິດຊາວໜຸມ ຂອງໜ່ວຍຊາວໜຸ່ມສະຖາບັນໃນໄລຍະເດືອນກັນຍາຜ່ານມາ ແລະ ກໍານົດແຜນການເຄື່ອນໄຫວຂະບວນການໃນເດືອນຕຸລາ 2026;
2. ເພື່ອເຜີຍແຜ່ແຈ້ງການ, ບົດແນະນໍາ ແລະ ແຜນການເຄື່ອນໄຫວຈັດຕັ້ງປະຕິບັດປະເມີນຂໍ້ແຂ່ງຂັນ 4 ບຸກຂອງຄະນະຊາວໜຸ່ມປະຊາຊົນປະຕິວັດລາວ ໜ່ວຍຊາວໜຸ່ມສະຖາບັນພັດທະນາສີມືແຮງງານ ປະຈໍາປີ 2026.
ຜ່ານການປະຊຸມຕາມຫົວຂໍ້ ແລະ ຈຸດປະສົງດັ່ງກ່າວແລ້ວ ເຮັດໃຫ້ສະມາຊິກຊາວໜຸ່ມພາຍໃນໜ່ວຍມີຄວາມເຂົ້າໃຈ ແລະ ເອົາໃຈໃສ່ ແລະ ມີຄວາມຮັບຜິດຊອບສູງຕໍ່ໜ້າທີ່ການເມືອງຂອງຕົນ, ພ້ອມທັງມີຄວາມເປັນເອກະພາບ ແລະ ເຂົ້າໃຈຕໍ່ກັບແຜນ ແລະ ຂະບວນການຈັດຕັ້ງປະຕິບັດປະເມີນຂໍ້ແຂ່ງຂັນ 4 ບຸກຂອງຄະນະຊາວໜຸ່ມປະຊາຊົນປະຕິວັດລາວ ປະຈໍາປີ 2026 ຂອງໜ່ວຍຊາວໜຸ່ມສະຖາບັນພັດທະນາສີມືແຮງງານ.

ສູນຝຶກສີມືແຮງງານລາວ-ເກົາຫຼີ, ສະຖາບັນພັດທະນາສີມືແຮງງານ , ກະຊວງແຮງງານ ແລະ ສະຫວັດດີການສັງຄົມ ໄດ້ຈັດຝຶກ ແລະ ເປີດພິທີຝຶກອົບຮົມເຄື່ອນທີ່ ຫົວຂໍ້ "ເຕັກນິກການລ້ຽງກົບ" ໃຫ້ແກ່ບັນດາຊາວຫນຸ່ມ ຜູ້ຫວ່າງງານ ຜູ້ທີ່ຕ້ອງການສ້າງອາຊີບ ໃນກຸ່ມເປົ້າຫມາຍຈາກບັນດາເມືອງໃນແຂວງອັດຕະປື ໃຫ້ກຽດເປັນປະທານເປີດພິທີ ໂດຍ ທ່ານ ບຸນຍົງ ແກ້ວບົວພັນ ຮອງຫົວຫນ້າສະຖາບັນພັດທະນາສີມືແຮງງານ ແລະ ມີບັນດາຜູ້ເຂົ້າຝຶກເຂົ້າຮ່ວມທັງຫມົດ 34ທ່ານ.
ເຊີ່ງການຈັດຝຶກດັ່ງກ່າວຈະໄດ້ມີການຝຶກພາກທິດສະດີ ແລະ ການປະຕິບັດໃນການລ້ຽງ ແລະ ຂະຫຍາຍພັນກົບ ເລີ່ມແຕ່ວັນທີ 28/9 - 02/10/2026 ສະຫນັບສະຫນູນໂດຍ: ໂຄງການເສີມສ້າງທັກສະ ທີ່ເປັນບູລິມະສິດ ສຳລັບການເຕີບໂຕ ຂອງ ສປປ ລາວ.

ສະຖາບັນພັດທະນາສີມືແຮງງານ ,ກະຊວງແຮງງານ ແລະ ສະຫວັດດີການສັງຄົມ, ຂໍເຊີນບັນດາບໍລິສັດທີ່ມີຄວາມສົນໃຈ ແລະ ມີຄວາມເຫມາະສົມ ຕາມເງື່ອນໄຂລະບຽບໂຄງການ (PSG) ເຂົ້າຍື່ນຊອງປະມູນການຈັດຊື້ ເຄື່ອງຈັກ,ເຄື່ອງມືວຽກງານສາງ ໃນຂົງເຂດຂົນສົ່ງສຳລັບສະໜອງໃຫ້ແກ່: ສະຖາບັນພັດທະນາສີມືແຮງງານ,ສູນພັດທະນາສີມືແຮງງານແຂວງຈຳປາສັກ ແລະ ອຸດົມໄຊ.
ສອບຖາມຂໍ້ມູນ: 030 55 33 846

ສູນຝືກສີມືແຮງງານລາວ-ເກົາຫຼີ, ສະຖາບັນພັດທະນາສີມືແຮງງານ ເປີດຝຶກອົບຮົມສ້າງຄວາມເຂັ້ມແຂງໃຫ້ແກ່ຄູຝຶກ ຫົວຂໍ້ " ພັດທະນາລະບົບຖານຂໍ້ມູນ" ພາຍໃຕ້ໂຄງການເສີມສ້າງທັກສະ ທີ່ເປັນບູລິມະສິດ ສຳລັບການເຕີບໂຕຂອງ ສປປ ລາວ.

ຊ່າງ ICT ຫລັກສູດຝຶກ 3ປີ [ຊັ້ນສູງ]
ຊ່າງສ້ອມແປງລົດຍົນ ຫລັກສູດຝຶກ 3ປີ [ຊັ້ນສູງ]
ຊ່າງໄຟຟ້າເຕັກນິກ ຫລັກສູດຝຶກ 3ປີ [ຊັ້ນສູງ]
ຊ່າງກໍ່ສ້າງ ຫລັກສູດຝຶກ 3ປີ [ຊັ້ນສູງ]
ຊ່າງປຸງແຕ່ງອາຫານ ຫລັກສູດຝຶກ 2ປີ [ຊັ້ນກາງ]
ຊ່າງໄມ້ເຟີນີເຈີ ຫລັກສູດຝຶກ 2ປີ [ຊັ້ນກາງ]
ຊ່າງຕັດຫຍິບເຄື່ອງນຸ່ງ ຫລັກສູດຝຶກ 2ປີ [ຊັ້ນກາງ]
ຊ່າງເສີມສວຍ ຫລັກສູດຝຶກ 6ເດືອນ [ຊັ້ນຕົ້ນ]
ຊ່າງສ້ອມແປງເຄື່ອງເອເລັກໂຕຼນິກ ຫຼັກສູດ 6ເດືອນ
ຊ່າງຖັກວິກຜົມ (ຝຶກຟຼີ)
ເປີດຂາຍຄຳຮ້ອງເລີ່ມແຕ່ມື້ນີ້ເປັນຕົ້ນໄປ
ເອກະສານປະກອບສະຫມັກມີ:
1. ໃບປະກາດຈົບສາມັນ [ກອບປີ້]
2. ສຳມະໂນຄົວ [ກອບປີ້]
3. ຮູບ3*4 [2ໃບ]
ຊື້ ແລະ ຍື່ນຄຳຮ້ອງທີ່ສະຖາບັນພັດທະນາສີມືແຮງງານ
ບ້ານຄຳຮຸ່ງ ເມືອງໄຊທານີ ນະຄອນຫຼວງວຽງຈັນ .
020 2888 6809 & 020 56 936 393

ເປີດຮັບສະໝັກຝຶກວິຊາຊີບໃນສາຂາ:
ຕັດຫຍິບ

ສ້ອມແປງລົດຍົນ
ສິ່ງທີ່ຜູ້ຮ່ວມຝຶກຈະໄດ້ຮັບ
ທີ່ພັກຟຣີ ຢູ່ສະຖາບັນພັດທະນາສີມືແຮງງານ ຕະຫຼອດ 3 ເດືອນ.

ເບ້ຍລ້ຽງ ແລະ ຄ່າເດີນທາງ 1,200,000 ກີບ/ຄົນ/ເດືອນ ຕະຫຼອດໄລຍະຝຶກອົບຮົມ

ຮຽນວິຊາຊີບ 3 ເດືອນ

ຝຶກງານຕົວຈິງ 1 ເດືອນ
ເປີດຊຸດຝຶກອົບຮົມ: 01 ຕຸລາ 2026
ເງື່ອນໄຂການສະໝັກ
ໄວໜຸ່ມອາຍຸ 18-35 ປີ (ບໍ່ຈຳກັດເພດ)

ໃບຢັ້ງຢືນທີ່ຢູ່ ຫຼື ສຳມະໂນຄົວ

ສຳເນົາໃບປະກາດຈົບການສຶກສາ (ຖ້າມີ)

ຮູບ 3x4 ຈຳນວນ 2 ໃບ

ໃບຢັ້ງຢືນສະຖານະເສດຖະກິດຄອບຄົວ
ດາວໂຫຼດຟອມສະໝັກ
https://drive.google.com/.../1GOQZZBEImOU1f9HHWwuysRCEL9r...
ສະຖານທີ່ຝຶກອົບຮົມ ສະຖາບັນພັດທະນາສີມືແຮງງານ (ລາວ-ເກົາຫຼີ) ບ້ານຄຳຮຸ່ງ, ເມືອງໄຊທານີ, ນະຄອນຫຼວງວຽງຈັນ
ກຳນົດເວລາສະໝັກ
ເປີດຮັບສະໝັກ: 07 ກັນຍາ 2026
ປິດຮັບສະໝັກ: 25 ກັນຍາ 2026
ເພີ່ມທັກສະ ສ້າງອາຊີບ ແລະ ເພີ່ມໂອກາດໄດ້ວຽກເຮັດງານທຳທີ່ດີ!
ສະໜັບສະໜູນໂດຍ ອົງການແພລນ ສາກົນ ແລະ The Starbucks Foundation
ສອບຖາມເພີ່ມເຕີມ
ທ່ານ ສຸກັນ ມຸນລາດ: +856 20 28 886 809
ທ່ານ ຄົງໄຊ ຫອມສົມບັດ: +856 20 56 936 393
ທ່ານ ນາງ ມະໂນລັດຕະນາ ຄົງສະຫວັດ: +856 20 59 719 369
ຢ່າພາດໂອກາດດີໆນີ້! ມາພັດທະນາທັກສະ ແລະ ສ້າງອະນາຄົດຂອງທ່ານໄປນຳກັນ!

ໃນວັນທີ 08 ກັນຍາ 2026 ສູນຝຶກສີມືແຮງງານລາວ-ເກົາຫລີ, ສະຖາບັນພັດທະນາສີມືແຮງງານ ໄດ້ຈັດພິທີເປີດການຝຶກອົບຮົມເຄື່ອນທີ່ "ເຕັກນິກການລ້ຽງປາ-ຂະຫຍາຍພັນປາ" ຂື້ນທີ່ແຂວງສະຫວັນນະເຂດ ໂດຍໃຫ້ກຽດເປັນປະທານກ່າວເປີດພິທີໂດຍ ທ່ານ ບຸນຍົງ ແກ້ວບົວພັນ ຮອງຫົວຫນ້າສະຖາບັນພັດທະນາສີມືແຮງງານ ໃນພິທີດັ່ງກ່າວໄດ້ມີບັນດາເປົ້າຫມາຍຜູ້ເຂົ້າຝຶກຈາກໄວຫນຸ່ມຜູ້ດ້ອຍໂອກາດ,ແຮງງານທີ່ວ່າງງານ,ຜູ້ທີ່ຕ້ອງການຝຶກວິຊາຊີບ,ຕ້ອງການມີຄວາມຮູ້ຄວາມສາມາດ ແລະ ຕ້ອງການມີວຽກເຮັດງານທຳ ຈາກບັນບັນດາເມືອງເປົ້າໝາຍໄດ້ແກ່: ເມືອງເຊໂປນ,ເມືອງທ່າປາງທອງ,ເມືອງທ່າພະລານໄຊ ແລະ ນະຄອນໄກສອນ.
ທ່ານ ບຸນຍົງ ແກ້ວບົວພັນ ຮອງຫົວຫນ້າສະາບັນ ໄດ້ກ່າວວ່າ: ວຽກງານການຝຶກ ແລະ ພັດທະນາສີມືແຮງງານເປັນວຽກຫນື່ງ ທີ່ມີຄວາມສຳຄັນຫຼາຍ ໃນການພັດທະນາຄົນ ພັດທະນາແຮງງານ ໃຫ້ມີຄວາມຮູ້ຄວາມສາມາດ ເຊິ່ງເປັນປັດໃຈອັນສຳຄັນ ໃນການພັດທະນາເສດຖະກິດສັງຄົມໃນຍຸກປະຈຸບັນ ແລະ ເປັນສິ່ງທີ່ຕັດສິນ ຊີ້ວັດ ການພັດທະນາປະເທດຊາດ ໃຫ້ມີຄວາມຈະເລີນຮຸ່ງເຮືອງ ສະນັ້ນ,ລັດຖະບານ ຂອງ ສປປ ລາວ ພວກເຮົາ ກໍເປັນປະເທດຫນຶ່ງທີ່ໃຫ້ຄວາມສຳຄັນແກ່ການພັດທະນາສີມືອຮງງານ ເຊິ່ງເຫັນໄດ້ໃນໄລຍະນີ້ ພວກເຮົາກໍໄດ້ມີໂຄງການ ຈາກລັດຖະບານ,ຈາກອົງການຈັດຕັ້ງສາກົນ ແລະ ຈາກທະນາຄານໂລກ ໂດຍການໃຫ້ທຶນຮຽນຟຼີ ມີເບ້ຍລ້ຽງ ໃຫ້ແກ່ຜູ້ເຂົ້າຝຶກ ໃນວຽກຂອງແຮງງານ ແລະ ວຽກງານຂອງສຶກສາ ໃນຂອບເຂດທົ່ວປະເທດ ສະນັ້ນໃນເງື່ອນໄຂເສດຖະກິດສັງຄົມ ປະຈຸບັນ ການສ້າງອາຊີບທີ່ໝັ້ນຄົງ ແລະ ການມີວຽກເຮັດງານທຳ ແມ່ນຄວາມຕ້ອງການທີ່ຈຳເປັນຢ່າງຍິ່ງ "ອາຊີບການລ້ຽງປາ-ຂະຫຍາຍພັນປາ" ເປັນອາຊີບຫນຶ່ງທີ່ມີຕະຫລາດຮອງຮັບຢ່າງຕໍ່ເນື່ອງເພາະວ່າ ປາເປັນອາຫານປະຈຳວັນຂອງສັງຄົມ ເຖິງຢ່າງໃດກໍຕາມການທີ່ຈະລ້ຽງປາໃຫ້ປະສົບຜົນສຳເລັດ ມີກຳໄລ ແລະ ຫລຸດຜ່ອນຄວາມສ່ຽງນັ້ນ "ເຕັກນິກ ແລະ ຄວາມຮູ້ດ້ານວິຊາການ" ແມ່ນສິ່ງທີ່ຂາດບໍ່ໄດ້ ເປັນຕົ້ນແມ່ນ: ການກະກຽມສະຖານທີ່ລ້ຽງ,ການຄັດເລືອກ ແລະ ຈັດການພັນປາ,ການເບີ່ງແຍງປາໃຫ້ມີຄວາມສົມບູນ ແລະ ການຈັດການອາຫານ,ໂພສະນາການ ເພື່ອໃຫ້ປາໃຫຍ່ໄວ,ມີຄຸນນະພາບ ແລະ ປະຫຍັດຕົ້ນທຶນ, ການອະນາໄມ,ປ້ອງກັນພະຍາດ,ການບໍລິຫານຈັດການຕົ້ນທຶນ-ກຳໄລ ແລະ ການຊອກຫາຕະຫຼາດ ແລະ ສຸດທ້າຍທ່ານປະທານຍັງໄດ້ສະແດງຄວາມຍ້ອງຍໍ ຊົມເຊີຍ ຄະນະຮັບຜິດຊອບການຝຶກ ໂດຍສະເພາະແມ່ນສູນຝຶກສີມືແຮງງານລາວ-ເກົາຫຼີ , ພະແນກແຮງງານ ແລະ ສະຫວັດດີການສັງຄົມແຂວງສະຫວັນນະເຂດ ແລະ ສູນພັດທະນາສີມືແຮງງານແຂວງ ທີ່ໄດ້ກະກຽມຈັດຝຶກອົບຮົມເຄື່ອນທີ່ໃນຄັ້ງນີ້ຂື້ນ,ພາຍໃຕ້ໂຄງການເສີມເສ້າງທັກສະທີ່ເປັນບູລິມະສິດສຳລັບການເຕີບໂຕຂອງ ສປປ ລາວ.

ງານແຂ່ງຂັນສີມືແຮງງານແຫ່ງຊາດ ຄັ້ງທີ IV ພາຍໃຕ້ຄຳຂວັນ "ສີມືແຮງງານລາວ ກ້າວສູ່ພາກພື້ນ ແລະ ສາກົນ" ມີ 5 ສາຂາຊ່າງ ແລະ 24 ພາກສ່ວນເຂົ້າຮ່ວມ. ນັກແຂ່ງຂັນຈາກສະຖາບັນພັດທະນາສີມືແຮງງານ ໄດ້ 2 ຫຼຽນຄຳ (ກຣາບຟິກດີຊາຍ · ຕິດຕັ້ງໄຟຟ້າ) 1 ຫຼຽນເງິນ ແລະ 1 ຫຼຽນທອງ (ຊ່າງໄມ້). ຕິດຕາມຮູບ ແລະ ວິດີໂອ ທີ່ເພຈ Facebook "ງານແຂ່ງຂັນສີມືແຮງງານແຫ່ງຊາດ" (WorldSkills Laos).

ນັກແຂ່ງຂັນ 10 ຄົນ ຈາກ 5 ສາຂາຊ່າງ ພ້ອມຜູ້ຊ່ຽວຊານ ແລະ ຄະນະຜູ້ແທນ ເຂົ້າຮ່ວມ WorldSkills ASEAN Manila 2025 ຮ່ວມກັບນັກແຂ່ງຂັນ 259 ຄົນ ຈາກປະເທດອາຊຽນ. ຄະແນນສູງສຸດຂອງລາວ 688 (ປຸງແຕ່ງອາຫານ) — ໃກ້ເກນມາດຕະຖານອາຊຽນ 700. ບົດຮຽນ: ຄັດເລືອກໃຫ້ກວ້າງທົ່ວປະເທດ ແລະ ຝຶກຊ້ອມຕໍ່ເນື່ອງຢ່າງໜ້ອຍ 10 ເດືອນ.

ໃນວັນທີ 06 ຕຸລາ 2026 ສະຖາບັນພັດທະນາສີມືແຮງງານ ໄດ້ໄດ້ຈັດງານສະເຫຼີມສະຫຼອງ ວັນຄູແຫ່ງຊາດ ຄົບຮອບ 32ປີ (7 ຕຸລາ 1994 ຫາ 7 ຕຸລາ 2026)ຂື້ນ ໃຫ້ກຽດເປັນປະທານເປີດງານໂດຍ ທ່ານ ສຸລິສັກ ສຸພັນທອງ ຫົວຫນ້າສະຖາບັນພັດທະນາສີມືແຮງງານ ໃນພິທີດັ່ງກ່າວໄດ້ມີບັນດາຄູອາຈານພ້ອມດ້ວຍຜູ້ເຂົ້າຝຶກຂອງ ສພງ ແລະ ແຂກຈາກຫລາຍພາກສ່ວນເຂົ້າຮ່ວມຢ່າງພ້ອມພຽງ.
ທ່ານ ຄຳພຽງ ແກ້ວລັງສີ ພະນັກງານອາວຸໂສບຳນານ ອາດີດຮັກສາການຫົວຫນ້າສະຖາບັນພັດທະນາສີມືແຮງງານ ລາວ-ເກົາຫຼີ ໃຫ້ກຽດເລົ່າປະຫວັດມູນເຊື້ອຂອງນາຍຄູໃນພາລະກິດຕໍ່ສູ້ເພື່ອປົດປ່ອຍປະເທດຊາດ ເພື່ອລະນຶກເຖິງຄຸນງາມຄວາມດີ ແລະ ວິລະກຳຕ່າງໆ ຂອງ ຄູ ໃນອາດີດ ທີ່ຕິດພັນກັບການຕໍ່ສູ້ປົດປ່ອຍປະດທດຊາດ ແລະ ໃນປະຈຸບັນ ທີ່ຕິດພັນກັບການປົກປັກຮັກສາ ສ້າງສາ ພັດທະນາປະເທດຊາດ
ເມື່ອເວົ້າເຖິງ"ຄູ"ພວກເຮົາທຸກຄົນກໍລະນຶກເຖິງຜູ້ທີ່ໃຫ້ຄວາມຮູ້ ຜູ້ທີ່ປຽບເຫມືອນ "ແມ່ພິມ" ຂອງຊາດ ແລະ ເປັນບຸກຄົນທີ່ປຽບເຫມືອນໄຟສ່ອງທາງ ໃຫ້ກັບຊີວິດຂອງຜູ້ເຂົ້າຝຶກ ແລະ ນັກຮຽນ-ນັກສຶກສາ.
ຄຳວ່າ "ຄຸ" ໃນສະໄຫມກ່ອນແມ່ນມີບົດບາດສຳຄັນຫລາຍ ຢູ່ໃນຂະບວນການຕໍ່ສູ້ກູ້ຊາດ ເຊິ່ງວິລະກຳທີ່ເຫັນໄດ້ຢ່າງຊັດເຈນ ແມ່ນວິລະກຳຂອງ "ນາຍຄູຄຳ" ແມ່ນຫນຶ່ງໃນບຸກຄົນ ເປັນຄູສອນຜູ້ທີ່ມີຈິດໃຈຮັກຊາດອັນສູງສົ່ງ ທ່ານໄດ້ອຸທິດຕົນ ແລະ ມີບົດບາດຢ່າງສຳຄັນຍິ່ງໃນຂະບວນການຕໍ່ສູ້ ເພື່ອປົດປ່ອຍປະເທດຊາດອອກຈາກແອກປົກຄອງຂອງພວກລ່າເມືອງຂື້ນ.
ສະນັ້ນເພື່ອເປັນການຍ້ອງຍໍ ແລະ ຈາລຶກເຖິງບຸນຄຸນອັນລົ້ນເຫຼືອຂອງຄູ ພັກ ແລະ ລັດຖະບານ ສປປ ລາວ ຂອງພວກເຮົາ ຈຶ່ງໄດ້ກຳນົດເອົາວັນທີ 07 ຕຸລາ ຂອງທຸກໆປີ ເປັນ "ວັນຄູແຫ່ງຊາດ".

ສ້າງຂະບວນການ ອອກແຮງງານອະນາໄມລວມ ພາຍໃນຂອບ
ເຂດຂອງສະຖາບັນພັດທະນາສີມືແຮງງານ ເພື່ອຕ້ອນຮັບວັນຄູແຫ່ງຊາດຄົບຮອບ 32ປີ.