ກ່ອນພິມ: ໃນກ່ອງພິມຂອງ Chrome ໃຫ້ຕິກ Background graphics ຖ້າຢາກໄດ້ສີຄົບຕາມໜ້າຈໍ · ຕິກ Headers and footers ຖ້າຢາກໄດ້ເລກໜ້າ · ຕັ້ງ Margins = Default ແລະ Scale = 100%. ເອກະສານອ່ານອອກຄົບເຖິງບໍ່ຕິກສີພື້ນ.

ສາທາລະນະລັດ ປະຊາທິປະໄຕ ປະຊາຊົນລາວ

ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ

ກະຊວງແຮງງານ ແລະ ສະຫວັດດີການສັງຄົມ

ສະຖາບັນພັດທະນາສີມືແຮງງານ

ຜູ້ພັດທະນາລະບົບ

ເອກະສານກຳນົດຄວາມຕ້ອງການລະບົບ · D1 ສັນຍາ C2.2-C-4 · 16 ກັນຍາ 2026 ພັດທະນາໂດຍ One Miracle

Deliverable D1 · Requirements Specification

ເອກະສານກຳນົດຄວາມຕ້ອງການລະບົບ ແລະ ແຜນຜັງຂະບວນການເຮັດວຽກ

System Requirements Specification (SRS) + Business Process Mapping

ສັນຍາC2.2-C-4

ຜົນສົ່ງມອບD1 · ກຳນົດ 23/06/2026

ເຈົ້າຂອງໂຄງການສະຖາບັນພັດທະນາສີມືແຮງງານ (SDI)

ເວີຊັນລະບົບ—

ວັນທີເອກະສານ16 ກັນຍາ 2026

ຜູ້ຈັດທຳSD MIS Dev Team

ເອກະສານນີ້ສ້າງຈາກລະບົບຈິງ. ຄວາມຕ້ອງການແຕ່ລະຂໍ້ຜູກກັບໜ້າວຽກໃນກະດານພັດທະນາ ແລະ ສະແດງສະຖານະປັດຈຸບັນຢູ່ນຳ — ອັບເດດກະດານເມື່ອໃດ ເອກະສານນີ້ປ່ຽນຕາມທັນທີ ຈຶ່ງບໍ່ມີບັນຫາເອກະສານກັບລະບົບບໍ່ກົງກັນ.

ສາລະບານContents

1 ບົດນຳ ແລະ ຂອບເຂດ 2 ຜູ້ໃຊ້ງານ ແລະ ບົດບາດ 3 ຄວາມຕ້ອງການດ້ານໜ້າວຽກ (21 ຂໍ້) 4 ຂະບວນການເຮັດວຽກ 5 ຄວາມຕ້ອງການນອກໜ້າວຽກ (8 ຂໍ້) 6 ຄວາມຄອບຄຸມ TOR (17 ຂໍ້) 7 ຂໍ້ສົມມຸດ ຂໍ້ຈຳກັດ ແລະ ຂໍ້ຕິດຄ້າງ 8 ການຮັບຮອງເອກະສານ

1. ບົດນຳ ແລະ ຂອບເຂດIntroduction & Scope

ເອກະສານນີ້ກຳນົດວ່າ ລະບົບຕ້ອງເຮັດຫຍັງໄດ້ແດ່ ເພື່ອໃຫ້ທັງສອງຝ່າຍເຂົ້າໃຈຕົງກັນ ກ່ອນຮັບມອບ. ສ່ວນ ວິທີສ້າງ ຢູ່ໃນເອກະສານອອກແບບລະບົບ (D2).

ຊື່ໂຄງການ	ອອກແບບ ແລະ ພັດທະນາລະບົບຂໍ້ມູນຂ່າວສານການພັດທະນາສີມືແຮງງານ (SD MIS)
ຈຸດປະສົງລະບົບ	ເກັບ ແລະ ຄຸ້ມຄອງຂໍ້ມູນການພັດທະນາສີມືແຮງງານຂອງສະຖາບັນ ແລະ ສູນສາຂາ ໃຫ້ຢູ່ໃນລະບົບດຽວກັນ ຕັ້ງແຕ່ຮັບສະໝັກ ຝຶກ ປະເມີນ ອອກໃບຢັ້ງຢືນ ຈົນຕິດຕາມການມີວຽກເຮັດງານທຳ
ຂອບເຂດ	1 SDI (ສູນກາງ) + 6 SDCs
ໄລຍະສັນຍາ	02/06/2026 – 30/11/2026 (24 ອາທິດ)
ນອກຂອບເຂດ	ໜ້າວຽກທີ່ຕົກລົງປິດໄວ້ ບໍ່ຢູ່ໃນຄວາມຕ້ອງການຂອງເອກະສານນີ້ ແລະ ບໍ່ນັບເຂົ້າການກວດຮັບ

2. ຜູ້ໃຊ້ງານ ແລະ ບົດບາດActors & Roles

ບົດບາດທີ່ຕັ້ງໄວ້ໃນລະບົບຈິງ ພ້ອມຈຳນວນຜູ້ໃຊ້ທີ່ຜູກກັບແຕ່ລະບົດບາດ ໃນວັນທີເອກະສານ.

ລຳດັບ	ບົດບາດ	ຜູ້ໃຊ້ປັດຈຸບັນ
1	Admin	3
2	Trainer	1
3	Accountant	0
4	Librarian	0
5	Receptionist	0
6	Super Admin	1
7	SDI Admin	1
8	SDC Admin	6
9	Registrar	1

3. ຄວາມຕ້ອງການດ້ານໜ້າວຽກFunctional Requirements

ໜຶ່ງໜ້າວຽກ = ໜຶ່ງຂໍ້ຄວາມຕ້ອງການ. ແຕ່ລະຂໍ້ບອກ ຈຸດປະສົງ · ລາຍລະອຽດ · ວິທີກວດຮັບ ພ້ອມສະຖານະປັດຈຸບັນ.

ລວມ 21 ຂໍ້ ພື້ນຖານລະບົບ 4ໜ້າວຽກຫຼັກ 8ໜ້າວຽກຂັ້ນສູງ 6ຕິດຕັ້ງ ແລະ ສົ່ງມອບ 3

`FR-01` ໂຄງສ້າງຫຼາຍສູນ / Multi-Center Architecture ກຳລັງທົດສອບ · 92%

ຈຸດປະສົງ: ຮອງຮັບ 1 SDI (ສູນກາງ) + 6 SDCs ໃນລະບົບດຽວ ໂດຍແຍກຂໍ້ມູນ ແລະ ສິດ ຕາມແຕ່ລະສູນ.
ລາຍລະອຽດ: ຖັນລະບຸສູນຄົບ 13 ຕາຕະລາງ · ຕົວກັ່ນຂອບເຂດຢູ່ຈຸດດຽວ (Centerscope) · ຕົວສະຫຼັບສູນສຳລັບສູນກາງ · ບັນຊີເຂົ້າໃຊ້ຄົບ 7 ສູນ ສຳລັບທົດສອບ.
ວິທີກວດຮັບ: ສ້າງ 2 ສູນ (A,B) ແລ້ວເພີ່ມຜູ້ໃຊ້ຢູ່ສູນ A → login ດ້ວຍຜູ້ໃຊ້ A ຕ້ອງເຫັນສະເພາະຂໍ້ມູນ A (ບໍ່ເຫັນ B); ສ່ວນ SDI admin ຕ້ອງເຫັນທັງໝົດ.

`FR-02` ໜ່ວຍງານ ແລະ ຊັ້ນ / Org Units & Hierarchy ກຳລັງເຮັດ · 84%

ຈຸດປະສົງ: ໂຄງສ້າງ ສູນກາງ → ແຂວງ → ເມືອງ + ພະແນກ ເພື່ອ rollup ຂໍ້ມູນ ແລະ ມອບໝາຍສິດ.
ລາຍລະອຽດ: ສ້າງຕາຕະລາງ org_unit ແບບ parent-child, map center → province → district.
ວິທີກວດຮັບ: ສ້າງ 1 ແຂວງ ທີ່ມີ 2 ສູນ → dashboard ຂັ້ນແຂວງ ຕ້ອງລວມຂໍ້ມູນຂອງ 2 ສູນຢ່າງຖືກຕ້ອງ.

`FR-03` ບົດບາດ ແລະ ສິດ / Roles & Permissions ກຳລັງເຮັດ · 90%

ຈຸດປະສົງ: ອອກແບບ role ໃໝ່: SDI Admin, SDC Admin, Registrar, Trainer, Trainee, Employer ພ້ອມ RBAC ຜູກ scope ຕໍ່ສູນ.
ລາຍລະອຽດ: ຕັ້ງບົດບາດຕາມໂຄງສ້າງຈິງຂອງສະຖາບັນ ພ້ອມຜູກສິດເຂົ້າເຖິງຂອງແຕ່ລະບົດບາດກັບສູນທີ່ສັງກັດ ແລະ ປິດບົດບາດທີ່ບໍ່ໃຊ້ໃນວຽກພັດທະນາສີມືແຮງງານ.
ວິທີກວດຮັບ: login ດ້ວຍແຕ່ລະ role → ກວດ menu ທີ່ເຫັນ ແລະ ລອງເປີດໜ້າທີ່ບໍ່ມີສິດ → ຕ້ອງຖືກ redirect ໄປ unauthorized.

`FR-04` ຕົວຕົນ ແລະ ໂລໂກ້ / Branding ກຳລັງເຮັດ · 96%

ຈຸດປະສົງ: ປ່ຽນ brand ຈາກ "Smart School / Your School Name" ເປັນ SDI (ໂລໂກ້, ຊື່, theme, favicon).
ລາຍລະອຽດ: ອັບໂຫຼດ logo, ຕັ້ງຄ່າ sch_settings (ຊື່/email/phone), ຕັ້ງ theme color.
ວິທີກວດຮັບ: ເປີດ dashboard + ໜ້າ login → ຕ້ອງເຫັນ brand SDI, ບໍ່ແມ່ນ Smart School.

`FR-05` ຈັດການຫຼັກສູດ / Course Management ກຳລັງເຮັດ · 60%

ຈຸດປະສົງ: ຈັດການ Course Group, Course, Course Level, Subject, Session Scheduling ແລະ Resource Assignment.
ລາຍລະອຽດ: ດັດແປງ Academics (class/section → course/level), subject, timetable + ເພີ່ມ resource assignment.
ວິທີກວດຮັບ: ສ້າງ 1 ຫຼັກສູດ → level → subject → ຈັດ session → ມອບຄູຝຶກ → ບັນທຶກ ແລະ ສະແດງຖືກ.

`FR-06` ຈັດການຄູຝຶກ / Trainer Management ກຳລັງເຮັດ · 55%

ຈຸດປະສົງ: ລົງທະບຽນ profile ຄູຝຶກ ແລະ ມອບໝາຍເຂົ້າຫຼັກສູດ.
ລາຍລະອຽດ: ດັດແປງ Staff/HR → trainer profile, classteacher → course assignment.
ວິທີກວດຮັບ: ສ້າງຄູຝຶກ → ມອບເຂົ້າ 1 ຫຼັກສູດ → ຄູຝຶກ login ຕ້ອງເຫັນຫຼັກສູດຂອງຕົນ.

`FR-07` ຈັດການຜູ້ເຂົ້າຝຶກ / Trainee Lifecycle ກຳລັງເຮັດ · 72%

ຈຸດປະສົງ: ວົງຈອນ: online application → ອະນຸມັດ/ລົງທະບຽນ → profile → training history → attendance.
ລາຍລະອຽດ: ດັດແປງ Online Admission + Student modules ໃຫ້ເປັນ trainee.
ວິທີກວດຮັບ: ສະໝັກຜ່ານ online form → admin ອະນຸມັດ → ກາຍເປັນ trainee → ບັນທຶກ attendance ໄດ້.

`FR-08` ໃບຢັ້ງຢືນ ແລະ ຄະແນນ / Certification & Scoring ກຳລັງທົດສອບ · 78%

ຈຸດປະສົງ: ໃຫ້ຄະແນນຕາມ subject ແລະ ອອກໃບຢັ້ງຢືນ (competency).
ລາຍລະອຽດ: ອອກໃບຢັ້ງຢືນສີມືແຮງງານຕາມແບບທາງການ 2 ພາສາ (ລາວ/ອັງກິດ) ພິມ A4 ແນວນອນ ພ້ອມບັນທຶກທຸກຄັ້ງທີ່ອອກ.
ວິທີກວດຮັບ: ປ້ອນຄະແນນ subject → ຄຳນວນຄະແນນລວມ → generate certificate PDF ຖືກ.

`FR-09` ເວັບໄຊສາທາລະນະ / Public Website ກຳລັງທົດສອບ · 98%

ຈຸດປະສົງ: center profile, program offerings + ຄ່າຮຽນ, news & performance dashboard ຕໍ່ສາທາລະນະ.
ລາຍລະອຽດ: ໜ້າຫຼັກສາທາລະນະທີ່ຜູ້ສະໝັກເປີດໄດ້ໂດຍບໍ່ຕ້ອງເຂົ້າລະບົບ: ດາວໂຫຼດແບບຟອມ · ຂັ້ນຕອນການສະໝັກ · ສາຂາອາຊີບຕາມຂະແໜງ · ລາຍຊື່ສູນຝຶກ · ຊ່ອງທາງຕິດຕໍ່.
ວິທີກວດຮັບ: ເປີດ URL ສາທາລະນະ → ຕ້ອງເຫັນ profile ຂອງສູນ, ລາຍການ program + ຄ່າຮຽນ, ແລະ news.

`FR-10` ຈັດການສະຖາບັນ / Institutional Management ກຳລັງເຮັດ · 92%

ຈຸດປະສົງ: ຈັດການ program offerings, news ແລະ performance metrics ຂອງສະຖາບັນ.
ລາຍລະອຽດ: ໜ້າ admin ສຳລັບ program + news + metrics ເຊື່ອມກັບ website ແລະ dashboard.
ວິທີກວດຮັບ: ເພີ່ມ program + news → ຕ້ອງສະແດງໃນ dashboard ແລະ website.

`FR-11` ຕິດຕາມ ແລະ ລາຍງານ / Monitoring & Reporting ກຳລັງທົດສອບ · 84%

ຈຸດປະສົງ: dashboards + reports + rollup ຫຼາຍສູນ + export Excel/PDF.
ລາຍລະອຽດ: ລາຍງານລວມຂ້າມສູນ: ແຕ່ລະສູນມີເທົ່າໃດ ແລະ ລວມທັງໝົດເທົ່າໃດ · ຄວາມພ້ອມຂອງຂໍ້ມູນແຕ່ລະສູນ · ສາຂາອາຊີບຕາມຂະແໜງ · ສົ່ງອອກ Excel ແລະ ພິມ PDF ໄດ້.
ວິທີກວດຮັບ: ອອກ report ຂ້າມສູນ → export Excel ແລະ PDF → ຂໍ້ມູນຖືກຕ້ອງ.

`FR-12` ຕິດຕາມການຈ້າງງານ / Employment Tracking ກຳລັງເຮັດ · 75%

ຈຸດປະສົງ: ບັນທຶກການຈ້າງງານຫຼັງຈົບ + ທະບຽນນາຍຈ້າງ + ປະກາດຕຳແໜ່ງ (vacancy).
ລາຍລະອຽດ: ບັນທຶກນາຍຈ້າງ ແລະ ສະຖານະການມີວຽກຂອງຜູ້ຈົບ ພ້ອມສະຫຼຸບອັດຕາການມີວຽກເຮັດງານທຳ. ນາຍຈ້າງລະດັບຊາດທຸກສູນໃຊ້ຮ່ວມກັນ ສ່ວນຄູ່ຮ່ວມສະເພາະສູນເຫັນສະເພາະສູນນັ້ນ.
ວິທີກວດຮັບ: ບັນທຶກວ່າ trainee ໄດ້ວຽກ → report ອັດຕາການມີວຽກຕໍ່ຫຼັກສູດ ຕ້ອງຄຳນວນຖືກ.

`FR-13` ແອັບມືຖື (PWA) / Mobile App ກຳລັງເຮັດ · 60%

ຈຸດປະສົງ: ໃຫ້ຜູ້ໃຊ້ ແລະ ຜູ້ຫາວຽກ ຕິດຕັ້ງ SD MIS ເປັນແອັບໃນມືຖືໄດ້ ໂດຍບໍ່ຕ້ອງໂຫຼດຜ່ານ Play Store ຫຼື App Store.
ລາຍລະອຽດ: ເຮັດເປັນ PWA (Progressive Web App) ບໍ່ແມ່ນແອັບແຍກ: ໃຊ້ລະບົບເວັບອັນດຽວກັນ ຈຶ່ງບໍ່ຕ້ອງພັດທະນາ ແລະ ດູແລ 2 ຊຸດ. ຜູ້ໃຊ້ເປີດເວັບແລ້ວກົດ "ຕິດຕັ້ງ" ໄດ້ເລີຍ ຈະມີໄອຄອນຢູ່ໜ້າຈໍມືຖືຄືແອັບທົ່ວໄປ ເປີດແບບເຕັມຈໍ. ໂຄງສ້າງພື້ນຖານພ້ອມແລ້ວ: manifest, service worker, ຊຸດໄອຄອນ, ໜ້າແຈ້ງເມື່ອບໍ່ມີເນັດ ແລະ ປຸ່ມຊວນຕິດຕັ້ງ. ຍັງເຫຼືອ: ໜ້າຈໍສະເພາະຜູ້ຫາວຽກ (ລົງທະບຽນ · ເບິ່ງ/ສະໝັກ ຕຳແໜ່ງງານ) ຊຶ່ງຂຶ້ນກັບ lmis_api ແລະ ຂໍ້ມູນນາຍຈ້າງ.
ວິທີກວດຮັບ: ເປີດເວັບດ້ວຍມືຖື → ກົດ "ຕິດຕັ້ງ" → ມີໄອຄອນ SD MIS ຢູ່ໜ້າຈໍ → ເປີດຈາກໄອຄອນ ຂຶ້ນເຕັມຈໍບໍ່ມີແຖບ browser → ປິດເນັດແລ້ວເປີດ ຕ້ອງຂຶ້ນໜ້າແຈ້ງເປັນພາສາລາວ ບໍ່ແມ່ນໜ້າຜິດພາດຂອງ browser.

`FR-14` ເຊື່ອມ LMIS / REST API ກຳລັງທົດສອບ · 65%

ຈຸດປະສົງ: REST API + API catalogue ເພື່ອເຊື່ອມ LMIS ແລະ ລະບົບອື່ນ (interoperability).
ລາຍລະອຽດ: ສ້າງ API layer + token authentication + endpoints ຫຼັກ.
ວິທີກວດຮັບ: ເອີ້ນ API ດ້ວຍ token ຖືກ → ໄດ້ JSON ຖືກ; token ຜິດ → ຕ້ອງ 401.

`FR-15` ປະເມີນຄູຝຶກ ແລະ ສະຖາບັນ / Evaluation ກຳລັງເຮັດ · 70%

ຈຸດປະສົງ: ແບບປະເມີນຄູຝຶກ + review/feedback ຂອງສະຖາບັນ.
ລາຍລະອຽດ: ໂມດູນໃໝ່ — form ປະເມີນ + report ຄ່າສະເລ່ຍ.
ວິທີກວດຮັບ: trainee ປະເມີນຄູຝຶກ → ຄ່າສະເລ່ຍຕ້ອງສະແດງໃນ report.

`FR-16` ຄວາມປອດໄພ: PIN 2FA + SSL/TLS ກຳລັງທົດສອບ · 85%

ຈຸດປະສົງ: PIN-based two-factor login ແລະ ບັງຄັບໃຊ້ HTTPS.
ລາຍລະອຽດ: ເຂົ້າລະບົບ 2 ຊັ້ນ: ຊື່ຜູ້ໃຊ້ + ລະຫັດຜ່ານ ແລ້ວຢືນຢັນດ້ວຍລະຫັດ PIN. ຮັບສົ່ງຂໍ້ມູນຜ່ານ HTTPS ບັງຄັບທຸກໜ້າ.
ວິທີກວດຮັບ: login → ຕ້ອງໃສ່ PIN/OTP ກ່ອນເຂົ້າ; ເຂົ້າຜ່ານ http → ຕ້ອງ redirect ໄປ https.

`FR-17` ເສີມ Audit Trail / Audit Hardening ກຳລັງທົດສອບ · 85%

ຈຸດປະສົງ: log field-diff (ຄ່າເກົ່າ/ໃໝ່), access log ແລະ breach/failed-login log.
ລາຍລະອຽດ: ບັນທຶກທຸກການແກ້ໄຂ: ໃຜ · ຊ່ອງໃດປ່ຽນ (ຄ່າເກົ່າ → ຄ່າໃໝ່) · ຜົນ · ຄວາມພະຍາຍາມເຂົ້າໂດຍບໍ່ມີສິດ · ເວລາ · IP. ເບິ່ງໄດ້ທີ່ ບັນທຶກການແກ້ໄຂຂໍ້ມູນ.
ວິທີກວດຮັບ: ແກ້ຂໍ້ມູນ record → audit ຕ້ອງບັນທຶກ field ເກົ່າ/ໃໝ່; login ຜິດ → ຕ້ອງບັນທຶກ breach.

`FR-18` ທົດສອບ QA / QA & Testing ກຳລັງເຮັດ · 88%

ຈຸດປະສົງ: functional + performance (50 reg/hr/center) + security testing.
ລາຍລະອຽດ: ຂຽນ test plan, regression suite, load test (JMeter).
ວິທີກວດຮັບ: ໄລ່ test case ທັງໝົດ → ບັນທຶກ pass/fail; load test 50 registrations/hour ຕໍ່ສູນ.

`FR-19` ຕິດຕັ້ງ QA + Production / Deployment ກຳລັງເຮັດ · 15%

ຈຸດປະສົງ: ຕິດຕັ້ງ QA ແລະ Production ໃນ data center ຂອງ SDI + backup/monitoring/alerting.
ລາຍລະອຽດ: setup environment, CI/CD, automated backup, alerting.
ວິທີກວດຮັບ: deploy → smoke test ທຸກ module ເທິງ production → ໃຊ້ງານໄດ້.

`FR-20` ຝຶກອົບຮົມ · ເອກະສານ · ສົ່ງມອບ / Training & Handover ກຳລັງເຮັດ · 58%

ຈຸດປະສົງ: ຄູ່ມື + workshop + ສົ່ງມອບ source code (GitHub/GitLab) + UAT sign-off.
ລາຍລະອຽດ: manuals, video tutorials, training ສູນກາງ/ແຂວງ/ເມືອງ.
ວິທີກວດຮັບ: UAT ກັບ SDI staff → sign-off → ອອກ operational acceptance letter.

`FR-21` ຄຸ້ມຄອງຫໍພັກ / Hostel Management ກຳລັງທົດສອບ · 74%

ຈຸດປະສົງ: ຄຸ້ມຄອງຫໍພັກຂອງສູນ: ຫ້ອງ · ຕຽງ · ການຈັດຜູ້ເຂົ້າຝຶກເຂົ້ານອນ ແລະ ຄ່າບຳລຸງ (ຖ້າມີ).
ລາຍລະອຽດ: ຄຸ້ມຄອງຫໍພັກ 3 ຊັ້ນ: ຫໍ → ຫ້ອງ → ຕຽງ ພ້ອມບັນທຶກຜູ້ເຂົ້າພັກ ແລະ ອອກ. ແຕ່ລະສູນຄຸ້ມຄອງຫໍຂອງຕົນເອງ.
ວິທີກວດຮັບ: ບັນທຶກຫໍ ແລະ ຫ້ອງຂອງສູນ → ຈັດຜູ້ເຂົ້າຝຶກເຂົ້າຕຽງ → ກວດວ່າຕຽງທີ່ຖືກຈັດແລ້ວ ບໍ່ຖືກຈັດຊ້ຳ ແລະ ຜູ້ໃຊ້ສູນອື່ນບໍ່ເຫັນຫໍຂອງສູນນີ້.

4. ຂະບວນການເຮັດວຽກBusiness Process Mapping

ຂັ້ນຕອນຕົວຈິງຂອງແຕ່ລະໜ້າວຽກ ຕັ້ງແຕ່ເລີ່ມຈົນຈົບ — ໃຊ້ກວດວ່າລະບົບຮອງຮັບວິທີເຮັດວຽກຈິງຂອງສະຖາບັນ. ຜັງເຕັມພ້ອມທາງແຍກເບິ່ງທີ່ ໜ້າຜັງຂັ້ນຕອນ.

ຕັ້ງສູນ ແລະ ແບ່ງຂໍ້ມູນໃຫ້ແຕ່ລະສູນ Centre setup & data separation

ເປົ້າໝາຍ: ໃຫ້ 7 ສູນໃຊ້ລະບົບດຽວກັນ ແຕ່ຂໍ້ມູນຂອງໃຜຂອງມັນ ບໍ່ປົນກັນ
ເລີ່ມເມື່ອ: ເມື່ອເປີດໃຊ້ລະບົບ ຫຼື ເມື່ອມີສູນໃໝ່ເພີ່ມ
ຜົນທີ່ໄດ້: ພະນັກງານແຕ່ລະສູນເຫັນສະເພາະຂໍ້ມູນສູນຕົນ · ສູນກາງເຫັນລວມທຸກສູນ

ຕັ້ງລາຍຊື່ສູນ

ສູນກາງຢືນຢັນລາຍຊື່ສູນທັງໝົດ
ຜູ້ເຮັດ: ຄະນະນຳສະຖາບັນ
ບັນທຶກສູນ: ຊື່ · ແຂວງ · ເມືອງ · ເບີໂທ · ຫົວໜ້າສູນ
ຜູ້ເຮັດ: ຜູ້ດູແລລະບົບ · ບ່ອນເຮັດ: ສູນ ແລະ ໜ່ວຍງານ

ຜູກຄົນເຂົ້າສູນ

ເລືອກພະນັກງານ ແລ້ວຜູກເຂົ້າສູນທີ່ສັງກັດ
ຜູ້ເຮັດ: ຜູ້ດູແລລະບົບ · ບ່ອນເຮັດ: ບົດບາດ ແລະ ການຜູກສູນ
ທຸກບັນຊີມີສູນຄົບແລ້ວບໍ?
ແມ່ນ → ໄປຂັ້ນຕໍ່ໄປ · ບໍ່ແມ່ນ → ກັບໄປຜູກບັນຊີທີ່ຍັງຂາດ

ໃຊ້ງານປະຈຳວັນ

ພະນັກງານສູນເຂົ້າລະບົບຕາມປົກກະຕິ
ຜູ້ເຮັດ: ພະນັກງານທຸກສູນ
ລະບົບກັ່ນຕອງໃຫ້ອັດຕະໂນມັດ — ເຫັນສະເພາະຂອງສູນຕົນ

ກວດ ແລະ ລວມຕົວເລກ

ສູນກາງສະຫຼັບເບິ່ງເປັນລາຍສູນ ຫຼື ເບິ່ງລວມ
ຜູ້ເຮັດ: ສູນກາງ SDI · ບ່ອນເຮັດ: ຕົວເລືອກສູນ ແຖບເທິງສຸດ
ຕົວເລກແຕ່ລະສູນແຍກຊັດເຈນ ພ້ອມນຳໄປລວມຂັ້ນເທິງ

ວາງໂຄງຮ່າງການຈັດຕັ້ງ ແລະ ລວມຕົວເລກຂຶ້ນຊັ້ນ Org structure & roll-up

ເປົ້າໝາຍ: ໃຫ້ຮູ້ວ່າໃຜຂຶ້ນກັບໜ່ວຍງານໃດ ແລະ ລວມຕົວເລກຈາກສູນ → ແຂວງ → ສູນກາງໄດ້
ເລີ່ມເມື່ອ: ເມື່ອຕັ້ງລະບົບ ຫຼື ເມື່ອໂຄງສ້າງອົງກອນປ່ຽນ
ຜົນທີ່ໄດ້: ແຜນຜັງອົງກອນທີ່ກົງກັບຄວາມຈິງ ແລະ ຕົວເລກທີ່ລວມຂຶ້ນຊັ້ນໄດ້

ເກັບໂຄງສ້າງຈິງ

ພະແນກບໍລິຫານ-ແຜນການສົ່ງລາຍຊື່ພະແນກ ແລະ ໜ່ວຍງານ
ຜູ້ເຮັດ: ພະແນກບໍລິຫານ-ແຜນການ
ແບບຟອມ 02_departments (ໜຶ່ງແຖວ = ໜຶ່ງໜ່ວຍງານ)

ນຳເຂົ້າລະບົບ

ສ້າງໜ່ວຍງານ ແລະ ລະບຸໜ່ວຍງານແມ່ຂອງແຕ່ລະອັນ
ຜູ້ເຮັດ: ຜູ້ດູແລລະບົບ · ບ່ອນເຮັດ: ສູນ ແລະ ໜ່ວຍງານ → ລາຍຊື່ສູນ
ຊັ້ນຂອງໜ່ວຍງານຖືກຕ້ອງບໍ?
ແມ່ນ → ໄປກວດຮັບ · ບໍ່ແມ່ນ → ແກ້ໜ່ວຍງານແມ່ໃຫ້ຖືກ

ຜູກຄົນ

ລະບຸໜ່ວຍງານ ແລະ ຕຳແໜ່ງ ໃຫ້ພະນັກງານແຕ່ລະຄົນ
ຜູ້ເຮັດ: ພະແນກບໍລິຫານ-ແຜນການ · ບ່ອນເຮັດ: ບຸກຄະລາກອນ

ນຳໄປໃຊ້

ເປີດແຜນຜັງອົງກອນ ເບິ່ງຈຳນວນຄົນຕໍ່ໜ່ວຍງານ
ຜູ້ເຮັດ: ຜູ້ບໍລິຫານ · ບ່ອນເຮັດ: ໂຄງຮ່າງການຈັດຕັ້ງ
ຕົວເລກລວມຂຶ້ນແຂວງ ແລະ ຂຶ້ນສູນກາງໄດ້ຖືກຕ້ອງ

ໃຫ້ສິດເຂົ້າໃຊ້ລະບົບ ຕາມຕຳແໜ່ງງານ Granting access by role

ເປົ້າໝາຍ: ໃຫ້ແຕ່ລະຄົນເຫັນ ແລະ ເຮັດໄດ້ພຽງສິ່ງທີ່ໜ້າທີ່ຕົນຕ້ອງການ
ເລີ່ມເມື່ອ: ມີພະນັກງານໃໝ່ · ຍ້າຍໜ້າວຽກ · ຫຼື ອອກຈາກໜ້າວຽກ
ຜົນທີ່ໄດ້: ບັນຊີໃຊ້ງານທີ່ມີສິດພໍດີ ບໍ່ຫຼາຍເກີນ ບໍ່ໜ້ອຍເກີນ

ຂໍເປີດສິດ

ພະແນກບໍລິຫານ-ແຜນການແຈ້ງ: ຊື່ · ສູນ · ພະແນກ · ຕຳແໜ່ງ
ຜູ້ເຮັດ: ພະແນກບໍລິຫານ-ແຜນການ
ຕຳແໜ່ງນີ້ກົງກັບ 1 ໃນ 4 ບົດບາດຫຼັກບໍ?
ແມ່ນ → ເລືອກບົດບາດນັ້ນ ແລ້ວໄປຂັ້ນຕໍ່ໄປ · ບໍ່ແມ່ນ → ຫາລືກັບຄະນະນຳສະຖາບັນກ່ອນເປີດສິດ

ສ້າງບັນຊີ

ສ້າງບັນຊີພະນັກງານ ພ້ອມເບີໂທທີ່ໃຊ້ເຂົ້າລະບົບ
ຜູ້ເຮັດ: ຜູ້ດູແລລະບົບ · ບ່ອນເຮັດ: ບຸກຄະລາກອນ
ມອບບົດບາດ ແລະ ຜູກສູນທີ່ສັງກັດ
ຜູ້ເຮັດ: ຜູ້ດູແລລະບົບ · ບ່ອນເຮັດ: ບົດບາດ ແລະ ການຜູກສູນ

ກວດສິດຕົວຈິງ

ໃຫ້ເຈົ້າຂອງບັນຊີເຂົ້າລະບົບຄັ້ງທຳອິດ
ຜູ້ເຮັດ: ພະນັກງານໃໝ່
ເຫັນເມນູຄົບຕາມໜ້າວຽກບໍ?
ແມ່ນ → ຈົບຂັ້ນຕອນ · ບໍ່ແມ່ນ → ແຈ້ງຜູ້ດູແລລະບົບປັບສິດ

ຮັກສາໃຫ້ເປັນປັດຈຸບັນ

ຄົນຍ້າຍ ຫຼື ອອກ → ປັບບົດບາດ ຫຼື ປິດບັນຊີທັນທີ
ຜູ້ເຮັດ: ພະແນກບໍລິຫານ-ແຜນການ · ຜູ້ດູແລລະບົບ
ບໍ່ມີບັນຊີຄ້າງທີ່ບໍ່ມີເຈົ້າຂອງ

ຕັ້ງຕົວຕົນຂອງສະຖາບັນໃນລະບົບ Institutional identity setup

ເປົ້າໝາຍ: ໃຫ້ໜ້າຈໍ ແລະ ເອກະສານທີ່ພິມອອກ ເປັນຂອງ SDI ຢ່າງເປັນທາງການ
ເລີ່ມເມື່ອ: ກ່ອນເປີດໃຊ້ຈິງ ຫຼື ເມື່ອຂໍ້ມູນທາງການປ່ຽນ
ຜົນທີ່ໄດ້: ຊື່ · ໂລໂກ້ · ທີ່ຢູ່ ຖືກຕ້ອງທັງໜ້າຈໍ ແລະ ໃບຢັ້ງຢືນ

ຮວບຮວມ

ພະແນກສົ່ງເສີມການພັດທະນາສົ່ງໂລໂກ້ພື້ນໃສ ແລະ ລະຫັດສີ
ຜູ້ເຮັດ: ພະແນກສົ່ງເສີມການພັດທະນາ
ໄຟລ໌ໂລໂກ້ · ໄອຄອນເວັບ · ຊື່ທາງການ ລາວ-ອັງກິດ

ອະນຸມັດ

ຄະນະນຳສະຖາບັນເຫັນດີບໍ?
ແມ່ນ → ນຳໄປຕັ້ງໃນລະບົບ · ບໍ່ແມ່ນ → ແກ້ໄຂ ແລ້ວສະເໜີຄືນ

ຕັ້ງໃນລະບົບ

ອັບໂຫຼດໂລໂກ້ ແລະ ປ້ອນຂໍ້ມູນສະຖາບັນ
ຜູ້ເຮັດ: ຜູ້ດູແລລະບົບ · ບ່ອນເຮັດ: ຕັ້ງຄ່າລະບົບ → ຕັ້ງຄ່າທົ່ວໄປ

ກວດຮັບ

ເປີດໜ້າເຂົ້າລະບົບ ແລະ ພິມໃບຢັ້ງຢືນ 1 ໃບ
ຜູ້ເຮັດ: ພະແນກສົ່ງເສີມການພັດທະນາ
ຕົວຕົນຂອງ SDI ຂຶ້ນຄົບທຸກບ່ອນ

ເປີດຫຼັກສູດ ຈົນເຖິງຈັດຕາຕະລາງຝຶກ Opening a course to timetable

ເປົ້າໝາຍ: ໃຫ້ຫຼັກສູດທີ່ເປີດສອນຈິງ ມີໃນລະບົບຄົບ ພ້ອມຄູຝຶກ ແລະ ຕາຕະລາງ
ເລີ່ມເມື່ອ: ເມື່ອວາງແຜນເປີດຮຸ່ນຝຶກໃໝ່
ຜົນທີ່ໄດ້: ຫຼັກສູດພ້ອມຮັບສະໝັກ ແລະ ພ້ອມເປີດຮຽນ

ວາງແຜນຫຼັກສູດ

ພະແນກມາດຕະຖານ ແລະ ຫຼັກສູດກຳນົດຫຼັກສູດທີ່ຈະເປີດ
ຜູ້ເຮັດ: ພະແນກມາດຕະຖານ ແລະ ຫຼັກສູດ
ລະບຸ ໄລຍະຝຶກ · ຈຳນວນຮັບ · ເງື່ອນໄຂຜູ້ສະໝັກ

ບັນທຶກໃນລະບົບ

ສ້າງຫຼັກສູດ ແລະ ລະດັບ
ຜູ້ເຮັດ: ພະແນກມາດຕະຖານ ແລະ ຫຼັກສູດ · ບ່ອນເຮັດ: ຂໍ້ມູນການແບບຫຼັກສູດ
ເພີ່ມວິຊາ ແລ້ວຜູກເຂົ້າຫຼັກສູດ

ມອບໝາຍ ແລະ ຈັດຕາຕະລາງ

ມອບຄູຝຶກປະຈຳແຕ່ລະວິຊາ
ຜູ້ເຮັດ: ພະແນກມາດຕະຖານ ແລະ ຫຼັກສູດ
ຕາຕະລາງຄູຝຶກຊ້ອນກັນບໍ?
ແມ່ນ → ປັບຊົ່ວໂມງ ຫຼື ປ່ຽນຄູຝຶກ · ບໍ່ແມ່ນ → ຢືນຢັນຕາຕະລາງ

ພ້ອມເປີດຮຽນ

ຄູຝຶກກວດຕາຕະລາງຂອງຕົນໃນລະບົບ
ຜູ້ເຮັດ: ຄູຝຶກ
ຫຼັກສູດພ້ອມຮັບຜູ້ເຂົ້າຝຶກ

ຮັບຄູຝຶກເຂົ້າ ຈົນເຖິງມອບໝາຍສອນ Trainer onboarding to teaching

ເປົ້າໝາຍ: ໃຫ້ຂໍ້ມູນຄູຝຶກຄົບ ແລະ ຮູ້ວ່າໃຜສອນຫຍັງ ຢູ່ສູນໃດ
ເລີ່ມເມື່ອ: ຮັບຄູຝຶກໃໝ່ ຫຼື ເລີ່ມຮອບຝຶກໃໝ່
ຜົນທີ່ໄດ້: ຄູຝຶກເຂົ້າລະບົບເອງໄດ້ ແລະ ເຫັນຫຼັກສູດຂອງຕົນ

ລົງທະບຽນ

ພະແນກບໍລິຫານ-ແຜນການຮັບເອກະສານຄູຝຶກ
ຜູ້ເຮັດ: ພະແນກບໍລິຫານ-ແຜນການ
ບັນທຶກ ປະຫວັດ · ວຸດທິ · ປະສົບການ · ຮູບ

ຜູກສັງກັດ

ຜູກເຂົ້າສູນ ແລະ ພະແນກທີ່ສັງກັດ
ຜູ້ເຮັດ: ຜູ້ດູແລລະບົບ
ມອບບົດບາດ "ຄູຝຶກ" ໃຫ້ບັນຊີ

ມອບໝາຍສອນ

ຈັດຄູຝຶກເຂົ້າຫຼັກສູດ ແລະ ວິຊາ
ຜູ້ເຮັດ: ພະແນກມາດຕະຖານ ແລະ ຫຼັກສູດ
ພາລະການສອນສົມດຸນບໍ?
ແມ່ນ → ຢືນຢັນ · ບໍ່ແມ່ນ → ກະຈາຍໃຫ້ຄູຝຶກທ່ານອື່ນ

ເລີ່ມສອນ

ຄູຝຶກເຂົ້າລະບົບ ເບິ່ງຫຼັກສູດ ແລະ ຕາຕະລາງຂອງຕົນ
ຜູ້ເຮັດ: ຄູຝຶກ
ຄູຝຶກເລີ່ມບັນທຶກການເຂົ້າຮຽນ ແລະ ຄະແນນໄດ້

ເສັ້ນທາງຜູ້ເຂົ້າຝຶກ — ສະໝັກ ຮອດ ຈົບ Trainee lifecycle: apply to graduate

ເປົ້າໝາຍ: ຕິດຕາມຜູ້ເຂົ້າຝຶກໜຶ່ງຄົນໄດ້ຕັ້ງແຕ່ຍື່ນຄຳຮ້ອງ ຈົນຮັບໃບຢັ້ງຢືນ
ເລີ່ມເມື່ອ: ຜູ້ສະໝັກຍື່ນຄຳຮ້ອງ ຫຼື ພະນັກງານທະບຽນເປີດຮັບຮຸ່ນໃໝ່
ຜົນທີ່ໄດ້: ປະຫວັດຜູ້ເຂົ້າຝຶກຄົບຖ້ວນ ພ້ອມສະຖານະປັດຈຸບັນທຸກຄົນ

ຮັບສະໝັກ

ຜູ້ສະໝັກຍື່ນຄຳຮ້ອງ (ດ້ວຍຕົນເອງ ຫຼື ອອນລາຍ)
ຜູ້ເຮັດ: ຜູ້ສະໝັກ
ຄຸນສົມບັດຄົບຕາມເງື່ອນໄຂຫຼັກສູດບໍ?
ແມ່ນ → ຮັບເຂົ້າ · ບໍ່ແມ່ນ → ແນະນຳຫຼັກສູດອື່ນ ຫຼື ຮອບຕໍ່ໄປ

ລົງທະບຽນ

ບັນທຶກຂໍ້ມູນຜູ້ເຂົ້າຝຶກ ແລະ ຜູກເຂົ້າຫຼັກສູດ
ຜູ້ເຮັດ: ພະນັກງານທະບຽນ · ບ່ອນເຮັດ: ຂໍ້ມູນຜູ້ເຂົ້າຝຶກ
ລະບົບອອກລະຫັດຜູ້ເຂົ້າຝຶກ ແລະ ຜູກເຂົ້າສູນໃຫ້ອັດຕະໂນມັດ

ໄລຍະຝຶກ

ຄູຝຶກບັນທຶກການເຂົ້າຮຽນປະຈຳວັນ
ຜູ້ເຮັດ: ຄູຝຶກ · ບ່ອນເຮັດ: ເຂົ້າຮ່ວມ (ການເຂົ້າຮຽນ)
ຂາດຮຽນເກີນເກນບໍ?
ແມ່ນ → ແຈ້ງເຕືອນ ແລະ ບັນທຶກເຫດຜົນ · ບໍ່ແມ່ນ → ຝຶກຕໍ່ຕາມປົກກະຕິ

ຈົບ ແລະ ອອກໃບຢັ້ງຢືນ

ບັນທຶກຄະແນນ ແລະ ຜົນການທົດສອບ
ຜູ້ເຮັດ: ຄູຝຶກ
ອອກໃບຢັ້ງຢືນ ແລ້ວສົ່ງລາຍຊື່ໃຫ້ພະແນກສົ່ງເສີມການພັດທະນາ
ຜູ້ເຮັດ: ພະນັກງານທະບຽນ

ຮັບຜູ້ເຂົ້າຝຶກເຂົ້ານອນຫໍພັກ Hostel application to check-out

ເປົ້າໝາຍ: ຮູ້ວ່າໃຜພັກຢູ່ຫ້ອງໃດ ຕຽງໃດ ແລະ ຫ້ອງຫວ່າງເທົ່າໃດ
ເລີ່ມເມື່ອ: ຜູ້ເຂົ້າຝຶກຍື່ນຄຳຮ້ອງຂໍເຂົ້ານອນ
ຜົນທີ່ໄດ້: ທະບຽນຜູ້ພັກທີ່ເປັນປັດຈຸບັນ ພ້ອມຈຳນວນຕຽງຫວ່າງ

ຮັບຄຳຮ້ອງ

ຜູ້ເຂົ້າຝຶກຍື່ນຄຳຮ້ອງຂໍເຂົ້ານອນ
ຜູ້ເຮັດ: ຜູ້ເຂົ້າຝຶກ
ຍັງມີຕຽງຫວ່າງບໍ?
ແມ່ນ → ໄປຂັ້ນມອບຫ້ອງ · ບໍ່ແມ່ນ → ຂຶ້ນບັນຊີລໍຖ້າ

ມອບຫ້ອງ

ເລືອກຫໍ · ຫ້ອງ · ຕຽງ ໃຫ້ຜູ້ເຂົ້າຝຶກ
ຜູ້ເຮັດ: ພະນັກງານຫໍພັກ · ບ່ອນເຮັດ: ຫໍພັກ
ບັນທຶກວັນເຂົ້າພັກ ແລະ ຄ່າບຳລຸງ (ຖ້າມີ)

ຢູ່ພັກ

ຕິດຕາມຜູ້ພັກ ແລະ ການປ່ຽນຫ້ອງ
ຜູ້ເຮັດ: ພະນັກງານຫໍພັກ

ອອກຫໍ

ບັນທຶກວັນອອກ ແລະ ສົ່ງຄືນຫ້ອງ
ຜູ້ເຮັດ: ພະນັກງານຫໍພັກ
ຕຽງກັບຄືນເປັນຫວ່າງ ພ້ອມຮັບຄົນຕໍ່ໄປ

ຈາກຄະແນນ ຫາ ໃບຢັ້ງຢືນ Scoring to certificate

ເປົ້າໝາຍ: ອອກໃບຢັ້ງຢືນທີ່ອ້າງອີງຜົນການທົດສອບຈິງ ແລະ ກວດຄືນໄດ້
ເລີ່ມເມື່ອ: ຈົບຮອບການທົດສອບຂອງແຕ່ລະຮຸ່ນ
ຜົນທີ່ໄດ້: ໃບຢັ້ງຢືນທີ່ພິມອອກໄດ້ ພ້ອມທະບຽນຜູ້ຈົບ

ຈັດການທົດສອບ

ພະແນກທົດສອບ ແລະ ໃບຢັ້ງຢືນກຳນົດຮອບ ແລະ ຕາຕະລາງທົດສອບ
ຜູ້ເຮັດ: ພະແນກທົດສອບ ແລະ ໃບຢັ້ງຢືນ · ບ່ອນເຮັດ: ການສອບເສັງ

ໃຫ້ຄະແນນ

ຄູຝຶກປ້ອນຄະແນນແຕ່ລະວິຊາ
ຜູ້ເຮັດ: ຄູຝຶກ
ຄະແນນຮອດເກນຜ່ານບໍ?
ແມ່ນ → ຂຶ້ນບັນຊີຜູ້ຈົບ · ບໍ່ແມ່ນ → ນັດທົດສອບແກ້ຕົວ

ອອກໃບຢັ້ງຢືນ

ເລືອກແມ່ແບບໃບຢັ້ງຢືນ ແລ້ວອອກໃຫ້ຜູ້ຈົບ
ຜູ້ເຮັດ: ພະນັກງານທະບຽນ · ບ່ອນເຮັດ: ໃບຢັ້ງຢືນ
ໃບຢັ້ງຢືນມີເລກທີ ແລະ ຜູ້ລົງນາມທີ່ກຳນົດໄວ້

ເກັບເປັນທະບຽນ

ທະບຽນຜູ້ຈົບພ້ອມສົ່ງໃຫ້ພະແນກສົ່ງເສີມການພັດທະນາ ແລະ ໃຊ້ໃນລາຍງານ

ຈາກຂ່າວສາທາລະນະ ຫາ ຄຳຮ້ອງສະໝັກ Public site to application

ເປົ້າໝາຍ: ໃຫ້ປະຊາຊົນຮູ້ຂ່າວການຮັບສະໝັກ ແລະ ຍື່ນຄຳຮ້ອງໄດ້ອອນລາຍ
ເລີ່ມເມື່ອ: ເມື່ອປະກາດຮັບສະໝັກຮຸ່ນໃໝ່
ຜົນທີ່ໄດ້: ຄຳຮ້ອງອອນລາຍເຂົ້າມາຮອດພະນັກງານທະບຽນໂດຍກົງ

ກຽມເນື້ອຫາ

ພະແນກສົ່ງເສີມການພັດທະນາຂຽນຂ່າວ ແລະ ກຽມຮູບ
ຜູ້ເຮັດ: ພະແນກສົ່ງເສີມການພັດທະນາ · ບ່ອນເຮັດ: ຈັດການເວັບໄຊ

ປະກາດ

ເຜີຍແຜ່ຂ່າວ ແລະ ລາຍການຫຼັກສູດທີ່ເປີດຮັບ
ໜ້າສາທາລະນະເປີດເບິ່ງໄດ້ ໂດຍບໍ່ຕ້ອງເຂົ້າລະບົບ

ຮັບຄຳຮ້ອງ

ຜູ້ສົນໃຈຕື່ມແບບຟອມສະໝັກອອນລາຍ
ຜູ້ເຮັດ: ປະຊາຊົນ
ຂໍ້ມູນຄົບບໍ?
ແມ່ນ → ສົ່ງເຂົ້າລະບົບ · ບໍ່ແມ່ນ → ແຈ້ງໃຫ້ຕື່ມຂໍ້ມູນທີ່ຂາດ

ສົ່ງຕໍ່ພະນັກງານທະບຽນ

ຄຳຮ້ອງເຂົ້າຄິວຂອງພະນັກງານທະບຽນ ເພື່ອກວດ ແລະ ຮັບເຂົ້າ
ຜູ້ເຮັດ: ພະນັກງານທະບຽນ

ຕັ້ງຂໍ້ມູນຕັ້ງຕົ້ນຂອງສະຖາບັນ Institutional master data setup

ເປົ້າໝາຍ: ໃຫ້ຂໍ້ມູນພື້ນຖານ 6 ຊຸດ ຢູ່ໃນລະບົບຄົບ ກ່ອນເລີ່ມໃຊ້ວຽກຈິງ
ເລີ່ມເມື່ອ: ໄລຍະກຽມກ່ອນເປີດໃຊ້ຈິງ
ຜົນທີ່ໄດ້: ຂໍ້ມູນຫຼັກຄົບ ພ້ອມໃຫ້ທຸກໜ້າວຽກອື່ນອ້າງອີງ

ຮວບຮວມ

ແຕ່ລະພະແນກຕື່ມແບບຟອມນຳເຂົ້າຂອງຕົນ
ຜູ້ເຮັດ: ທຸກພະແນກ
ສູນ · ພະແນກ · ຕຳແໜ່ງ · ຫຼັກສູດ · ພະນັກງານ · ນາຍຈ້າງ

ນຳເຂົ້າ

ນຳເຂົ້າຕາມລຳດັບ ສູນ → ພະແນກ → ຄົນ → ຫຼັກສູດ
ຜູ້ເຮັດ: ຜູ້ດູແລລະບົບ
ມີແຖວທີ່ຂໍ້ມູນບໍ່ຄົບບໍ?
ແມ່ນ → ສົ່ງຄືນເຈົ້າຂອງຂໍ້ມູນແກ້ · ບໍ່ແມ່ນ → ຜ່ານ

ກວດຄວາມພ້ອມ

ເບິ່ງແຖບ "ຄວາມພ້ອມຂອງຂໍ້ມູນ" ຢູ່ໜ້າຫຼັກ
ຜູ້ເຮັດ: ຜູ້ບໍລິຫານ · ບ່ອນເຮັດ: ໜ້າຫຼັກ

ພ້ອມໃຊ້

ຂໍ້ມູນຕັ້ງຕົ້ນຄົບ — ເລີ່ມບັນທຶກວຽກປະຈຳວັນໄດ້

ຈາກຂໍ້ມູນປະຈຳວັນ ຫາ ລາຍງານຂັ້ນເທິງ Daily data to management report

ເປົ້າໝາຍ: ໃຫ້ຕົວເລກທີ່ສົ່ງຂັ້ນເທິງ ມາຈາກຂໍ້ມູນທີ່ບັນທຶກຈິງ ບໍ່ຕ້ອງລວມດ້ວຍມື
ເລີ່ມເມື່ອ: ຮອບລາຍງານ ປະຈຳເດືອນ · ງວດ · ປີ
ຜົນທີ່ໄດ້: ລາຍງານທີ່ພິມເປັນເອກະສານ A4 ໄດ້ທັນທີ

ບັນທຶກຕົ້ນທາງ

ພະນັກງານບັນທຶກວຽກປະຈຳວັນຕາມປົກກະຕິ
ຜູ້ເຮັດ: ທຸກສູນ

ລະບົບລວມໃຫ້

ຕົວເລກລວມຂຶ້ນ ສູນ → ແຂວງ → ສູນກາງ ອັດຕະໂນມັດ

ເປີດລາຍງານ

ເລືອກໄລຍະ ແລະ ສູນທີ່ຕ້ອງການ
ຜູ້ເຮັດ: ຜູ້ບໍລິຫານ · ບ່ອນເຮັດ: ລາຍງານ
ຕົວເລກກົງກັບຂໍ້ມູນຂອງສູນບໍ?
ແມ່ນ → ພິມສົ່ງ · ບໍ່ແມ່ນ → ໃຫ້ສູນແກ້ຂໍ້ມູນຕົ້ນທາງ

ສົ່ງຂັ້ນເທິງ

ພິມ ຫຼື ບັນທຶກເປັນ PDF ສົ່ງກະຊວງ

ຕິດຕາມຜູ້ຈົບ ຫາ ການມີວຽກເຮັດ Graduate to job placement

ເປົ້າໝາຍ: ຮູ້ວ່າຜູ້ຈົບແຕ່ລະຮຸ່ນ ໄດ້ວຽກເທົ່າໃດ ຢູ່ນາຍຈ້າງໃດ
ເລີ່ມເມື່ອ: ຫຼັງຈົບຫຼັກສູດ ແລະ ຮອບຕິດຕາມ 3 · 6 ເດືອນ
ຜົນທີ່ໄດ້: ອັດຕາການມີວຽກເຮັດງານທຳ ທີ່ອ້າງອີງໄດ້

ຮັບລາຍຊື່ຜູ້ຈົບ

ພະນັກງານທະບຽນສົ່ງລາຍຊື່ຜູ້ຈົບແຕ່ລະຮຸ່ນ
ຜູ້ເຮັດ: ພະນັກງານທະບຽນ

ຈັບຄູ່ກັບນາຍຈ້າງ

ບັນທຶກນາຍຈ້າງ ແລະ ຕຳແໜ່ງທີ່ຕ້ອງການ
ຜູ້ເຮັດ: ພະນັກງານຈັດຫາງານ · ບ່ອນເຮັດ: ຕິດຕາມການຈ້າງງານ
ຜູ້ຈົບໄດ້ວຽກແລ້ວບໍ?
ແມ່ນ → ບັນທຶກສະຖານະ "ມີວຽກ" · ບໍ່ແມ່ນ → ຕິດຕາມຮອບຕໍ່ໄປ

ບັນທຶກຜົນ

ລະບຸ ນາຍຈ້າງ · ຕຳແໜ່ງ · ວັນເລີ່ມວຽກ · ລາຍໄດ້ (ຖ້າມີ)
ຜູ້ເຮັດ: ພະນັກງານຈັດຫາງານ

ລາຍງານ

ອັດຕາການມີວຽກຕໍ່ຫຼັກສູດ ແລະ ຕໍ່ສູນ ຂຶ້ນໃນລາຍງານ

ຜູ້ຫາວຽກໃຊ້ແອັບມືຖື Jobseeker mobile app

ເປົ້າໝາຍ: ໃຫ້ຜູ້ຈົບ ແລະ ຜູ້ຫາວຽກ ເຫັນຕຳແໜ່ງງານ ແລະ ສະໝັກຜ່ານມືຖືໄດ້
ເລີ່ມເມື່ອ: ໄລຍະພັດທະນາຂັ້ນສູງ (ຍັງບໍ່ເລີ່ມ)
ຜົນທີ່ໄດ້: ຄຳສະໝັກຈາກມືຖື ເຂົ້າມາຮອດພະແນກສົ່ງເສີມການພັດທະນາ

ຕົກລົງເນື້ອຫາ

ຢືນຢັນຂໍ້ມູນທີ່ຜູ້ຫາວຽກຈະເຫັນ
ຜູ້ເຮັດ: ພະແນກສົ່ງເສີມການພັດທະນາ

ຜູ້ໃຊ້ຄົ້ນຫາ

ຜູ້ຫາວຽກເປີດແອັບ ຄົ້ນຫາຕາມສາຂາອາຊີບ ແລະ ແຂວງ
ຜູ້ເຮັດ: ຜູ້ຫາວຽກ
ພົບຕຳແໜ່ງທີ່ເໝາະບໍ?
ແມ່ນ → ກົດສະໝັກ · ບໍ່ແມ່ນ → ບັນທຶກຄວາມສົນໃຈໄວ້ ລໍປະກາດໃໝ່

ສົ່ງຄຳສະໝັກ

ແນບປະຫວັດ ແລະ ໃບຢັ້ງຢືນຈາກລະບົບ

ພະແນກສົ່ງເສີມການພັດທະນາຮັບຕໍ່

ຄຳສະໝັກເຂົ້າລະບົບ ແລະ ຖືກຕິດຕາມຄືວຽກຈັດຫາງານປົກກະຕິ

ສົ່ງຂໍ້ມູນຂຶ້ນລະບົບຂໍ້ມູນຕະຫຼາດແຮງງານ Data exchange with LMIS

ເປົ້າໝາຍ: ໃຫ້ຕົວເລກຂອງ SDI ໄຫຼເຂົ້າລະບົບຂໍ້ມູນຕະຫຼາດແຮງງານ ໂດຍບໍ່ຕ້ອງພິມຄືນ
ເລີ່ມເມື່ອ: ຕາມຮອບທີ່ຕົກລົງກັບຝ່າຍ LMIS
ຜົນທີ່ໄດ້: ຂໍ້ມູນສອງລະບົບກົງກັນ ແລະ ກວດຄືນໄດ້

ຕົກລົງຂອບເຂດ

ຢືນຢັນວ່າຂໍ້ມູນໃດແດ່ ທີ່ອະນຸຍາດໃຫ້ສົ່ງອອກ
ຜູ້ເຮັດ: ຄະນະນຳສະຖາບັນ
ບົດບັນທຶກຂອບເຂດຂໍ້ມູນ ແລະ ຮອບການສົ່ງ

ເປີດການເຊື່ອມຕໍ່

ອອກກະແຈເຊື່ອມຕໍ່ໃຫ້ຝ່າຍ LMIS
ຜູ້ເຮັດ: ຜູ້ດູແລລະບົບ · ບ່ອນເຮັດ: ເຊື່ອມຕໍ່ LMIS / API

ທົດລອງສົ່ງ

ຂໍ້ມູນທີ່ຮັບໄດ້ ຄົບ ແລະ ຖືກຮູບແບບບໍ?
ແມ່ນ → ເປີດໃຊ້ຈິງ · ບໍ່ແມ່ນ → ປັບຮູບແບບ ແລ້ວທົດລອງຄືນ

ໃຊ້ຈິງ ແລະ ຕິດຕາມ

ບັນທຶກທຸກຄັ້ງທີ່ມີການດຶງຂໍ້ມູນ ໄວ້ກວດສອບຍ້ອນຫຼັງ

ຮອບປະເມີນຄູຝຶກ ແລະ ສູນ Trainer & centre evaluation round

ເປົ້າໝາຍ: ວັດຄຸນນະພາບການຝຶກດ້ວຍຂໍ້ມູນ ບໍ່ແມ່ນຄວາມຮູ້ສຶກ
ເລີ່ມເມື່ອ: ທ້າຍຮຸ່ນຝຶກ ຫຼື ຕາມຮອບທີ່ກຳນົດ
ຜົນທີ່ໄດ້: ຜົນປະເມີນທີ່ໃຊ້ປັບປຸງການສອນ ແລະ ປະກອບການພິຈາລະນາ

ກຳນົດແບບຟອມ

ພະແນກມາດຕະຖານ ແລະ ຫຼັກສູດກຳນົດຫົວຂໍ້ ແລະ ຮອບປະເມີນ
ຜູ້ເຮັດ: ພະແນກມາດຕະຖານ ແລະ ຫຼັກສູດ · ບ່ອນເຮັດ: ການປະເມີນຜົນ

ເກັບຄຳຕອບ

ຜູ້ເຂົ້າຝຶກ ແລະ ຜູ້ກ່ຽວຂ້ອງ ໃຫ້ຄະແນນ
ຜູ້ເຮັດ: ຜູ້ເຂົ້າຝຶກ
ຈຳນວນຜູ້ຕອບພຽງພໍບໍ?
ແມ່ນ → ສະຫຼຸບຜົນ · ບໍ່ແມ່ນ → ຂະຫຍາຍເວລາເກັບຄຳຕອບ

ສະຫຼຸບຜົນ

ຜົນລວມຕໍ່ຄູຝຶກ ແລະ ຕໍ່ສູນ

ນຳໄປໃຊ້

ຄູຝຶກເບິ່ງຜົນຂອງຕົນ ແລະ ປັບການສອນ
ຜູ້ເຮັດ: ຄູຝຶກ
ຄະນະນຳສະຖາບັນໃຊ້ຜົນປະກອບການພິຈາລະນາຄຸນນະພາບ

ເຂົ້າລະບົບຢ່າງປອດໄພ Secure sign-in

ເປົ້າໝາຍ: ກັນບໍ່ໃຫ້ຄົນນອກເຂົ້າເຖິງຂໍ້ມູນຜູ້ເຂົ້າຝຶກ ແລະ ພະນັກງານ
ເລີ່ມເມື່ອ: ທຸກຄັ້ງທີ່ມີການເຂົ້າລະບົບ
ຜົນທີ່ໄດ້: ເຂົ້າໄດ້ສະເພາະຜູ້ມີສິດ ແລະ ຮູ້ວ່າໃຜເຂົ້າເມື່ອໃດ

ປ້ອນຕົວຕົນ

ຜູ້ໃຊ້ປ້ອນເບີໂທ ຫຼື ອີເມວ ພ້ອມລະຫັດຜ່ານ
ຜູ້ເຮັດ: ຜູ້ໃຊ້ທຸກຄົນ · ບ່ອນເຮັດ: ໜ້າເຂົ້າລະບົບ

ຢືນຢັນຊັ້ນທີ 2

ບົດບາດນີ້ຕ້ອງຢືນຢັນ 2 ຊັ້ນບໍ?
ແມ່ນ → ປ້ອນລະຫັດ PIN ທີ່ໄດ້ຮັບ · ບໍ່ແມ່ນ → ເຂົ້າລະບົບໄດ້ເລີຍ

ເຂົ້າໃຊ້ງານ

ລະບົບເປີດສະເພາະເມນູຕາມບົດບາດ
ບັນທຶກເວລາ ແລະ ອຸປະກອນທີ່ເຂົ້າໃຊ້

ຕິດຕາມ

ຜູ້ດູແລລະບົບກວດການເຂົ້າໃຊ້ທີ່ຜິດປົກກະຕິໄດ້
ຜູ້ເຮັດ: ຜູ້ດູແລລະບົບ

ຕິດຕາມວ່າໃຜແກ້ຫຍັງ ເມື່ອໃດ Change tracking & audit trail

ເປົ້າໝາຍ: ໃຫ້ກວດຄືນໄດ້ວ່າຂໍ້ມູນຖືກແກ້ໂດຍໃຜ ແລະ ແກ້ຫຍັງ
ເລີ່ມເມື່ອ: ທຸກຄັ້ງທີ່ມີການແກ້ໄຂຂໍ້ມູນສຳຄັນ
ຜົນທີ່ໄດ້: ຫຼັກຖານປະກອບການກວດສອບພາຍໃນ ແລະ ພາຍນອກ

ມີການແກ້ໄຂ

ພະນັກງານແກ້ຂໍ້ມູນຕາມວຽກປົກກະຕິ
ຜູ້ເຮັດ: ພະນັກງານ

ລະບົບບັນທຶກ

ເກັບ ໃຜ · ເມື່ອໃດ · ແກ້ຈາກຫຍັງເປັນຫຍັງ ອັດຕະໂນມັດ

ກວດສອບ

ຄົ້ນຫາຕາມຜູ້ໃຊ້ ຫຼື ຕາມໄລຍະເວລາ
ຜູ້ເຮັດ: ຜູ້ດູແລລະບົບ · ບ່ອນເຮັດ: ລາຍງານ → ບັນທຶກການກວດສອບ
ພົບການແກ້ໄຂທີ່ຜິດປົກກະຕິບໍ?
ແມ່ນ → ລາຍງານຄະນະນຳສະຖາບັນ · ບໍ່ແມ່ນ → ບັນທຶກຜົນການກວດ

ເກັບຮັກສາ

ເກັບບັນທຶກຕາມໄລຍະທີ່ອົງກອນກຳນົດ

ຮອບທົດລອງໃຊ້ຈິງ ແລະ ແກ້ຂໍ້ຂັດຂ້ອງ User acceptance testing loop

ເປົ້າໝາຍ: ໃຫ້ຜູ້ໃຊ້ຈິງລອງກ່ອນ ແລ້ວແກ້ໃຫ້ຄົບກ່ອນເປີດໃຊ້
ເລີ່ມເມື່ອ: ເມື່ອໜ້າວຽກໃດໜຶ່ງພ້ອມທົດສອບ
ຜົນທີ່ໄດ້: ບັນຊີຂໍ້ຂັດຂ້ອງທີ່ຖືກແກ້ ແລະ ຜູ້ໃຊ້ເຊັນຮັບ

ນັດທົດລອງ

ແຈ້ງພະແນກທີ່ກ່ຽວຂ້ອງ ພ້ອມລາຍການທີ່ຈະລອງ
ຜູ້ເຮັດ: ທີມພັດທະນາ

ຜູ້ໃຊ້ລອງຕົວຈິງ

ພະນັກງານເຮັດວຽກຈິງຂອງຕົນຜ່ານລະບົບ
ຜູ້ເຮັດ: ພະນັກງານ SDI
ໃຊ້ໄດ້ຄົບຕາມທີ່ຕ້ອງການບໍ?
ແມ່ນ → ບັນທຶກວ່າຜ່ານ · ບໍ່ແມ່ນ → ແຈ້ງຂໍ້ຂັດຂ້ອງ

ແກ້ໄຂ

ທີມພັດທະນາແກ້ ແລ້ວແຈ້ງໃຫ້ລອງຄືນ
ຜູ້ເຮັດ: ທີມພັດທະນາ

ຮັບຮອງ

ພະແນກເຈົ້າການເຊັນຮັບໜ້າວຽກນັ້ນ
ຜູ້ເຮັດ: ພະແນກເຈົ້າການ

ຍ້າຍລະບົບໄປໃຊ້ເທິງເຊີບເວີຈິງ Deployment to production

ເປົ້າໝາຍ: ໃຫ້ລະບົບແລ່ນຢູ່ສູນຂໍ້ມູນທາງການ ພ້ອມແຜນສຳຮອງ
ເລີ່ມເມື່ອ: ຫຼັງຜ່ານການທົດລອງໃຊ້ຈິງ
ຜົນທີ່ໄດ້: ລະບົບໃຊ້ງານໄດ້ 24 ຊົ່ວໂມງ ພ້ອມການສຳຮອງຂໍ້ມູນປະຈຳ

ກຽມເຄື່ອງແມ່ຂ່າຍ

ຢືນຢັນສະເປັກ ແລະ ຮັບເຄື່ອງຈາກ ໂທລະຄົມລາວ
ຜູ້ເຮັດ: ຜູ້ດູແລລະບົບ

ຕິດຕັ້ງ

ຕິດຕັ້ງລະບົບ ແລະ ຍ້າຍຂໍ້ມູນຈາກເຄື່ອງທົດລອງ
ຂໍ້ມູນຄົບ ແລະ ເປີດໃຊ້ໄດ້ປົກກະຕິບໍ?
ແມ່ນ → ໄປຂັ້ນຕໍ່ໄປ · ບໍ່ແມ່ນ → ກັບຄືນສະພາບເດີມ ແລ້ວແກ້

ຕັ້ງການສຳຮອງ

ຕັ້ງສຳຮອງຂໍ້ມູນອັດຕະໂນມັດ ແລະ ທົດລອງກູ້ຄືນ 1 ຮອບ

ເປີດໃຊ້ຈິງ

ປະກາດທີ່ຢູ່ໃຊ້ງານໃຫ້ທຸກສູນ ພ້ອມຊ່ອງທາງແຈ້ງບັນຫາ

ຝຶກອົບຮົມ ແລະ ສົ່ງມອບລະບົບ Training & handover

ເປົ້າໝາຍ: ໃຫ້ພະນັກງານ SDI ໃຊ້ ແລະ ດູແລລະບົບເອງໄດ້ ຫຼັງຈົບສັນຍາ
ເລີ່ມເມື່ອ: ໄລຍະສຸດທ້າຍຂອງໂຄງການ
ຜົນທີ່ໄດ້: ບົດບັນທຶກສົ່ງມອບ ພ້ອມຄູ່ມື ແລະ ຜູ້ຮັບຜິດຊອບທີ່ຊັດເຈນ

ຈັດຫຼັກສູດຝຶກ

ຈັດລາຍຊື່ຜູ້ເຂົ້າຮ່ວມຕາມບົດບາດ ແລະ ຢືນຢັນວັນທີ
ຜູ້ເຮັດ: ພະແນກບໍລິຫານ-ແຜນການ

ຝຶກຕົວຈິງ

ຝຶກຕາມບົດບາດ ດ້ວຍຂໍ້ມູນຈິງຂອງແຕ່ລະສູນ
ຜູ້ເຮັດ: ທີມພັດທະນາ · ພະນັກງານ SDI
ຜູ້ເຂົ້າຮ່ວມເຮັດວຽກຂອງຕົນຜ່ານລະບົບໄດ້ບໍ?
ແມ່ນ → ຜ່ານ · ບໍ່ແມ່ນ → ຝຶກເສີມສະເພາະຈຸດ

ສົ່ງມອບເອກະສານ

ຄູ່ມືຜູ້ໃຊ້ · ຄູ່ມືຜູ້ດູແລລະບົບ · ສິດເຂົ້າເຖິງທັງໝົດ

ລົງນາມຮັບມອບ

ລົງນາມຮັບມອບ ແລະ ເລີ່ມໄລຍະຮັບປະກັນ
ຜູ້ເຮັດ: ຄະນະນຳສະຖາບັນ

5. ຄວາມຕ້ອງການນອກໜ້າວຽກNon-Functional Requirements

ຂໍ້ກຳນົດດ້ານຄຸນນະພາບ — ວັດໄດ້ ແລະ ກວດຮັບໄດ້ ຕາມ TOR.

ລະຫັດ	ດ້ານ	ຂໍ້ກຳນົດ	ວິທີວັດ / ກວດຮັບ	ອ້າງອີງ
`NFR-01`	ປະສິດທິພາບ	ຮັບການລົງທະບຽນໄດ້ 50 ລາຍ/ຊົ່ວໂມງ/ສູນ ແລະ 7 ສູນໃຊ້ພ້ອມກັນໄດ້	ທົດສອບ load ດ້ວຍຂໍ້ມູນຈຳລອງ ວັດເວລາຕອບສະໜອງສະເລ່ຍ ແລະ ອັດຕາຜິດພາດ ເປີດເບິ່ງໃນລະບົບ →	TOR 3.5
`NFR-02`	ຄວາມປອດໄພ	ເຂົ້າລະບົບ 2 ຊັ້ນ (PIN 2FA) ແລະ ຮັບສົ່ງຂໍ້ມູນຜ່ານ SSL/TLS ທັງໝົດ	ເປີດເວັບຕ້ອງເປັນ https ສະເໝີ · ບັນຊີທົດສອບຕ້ອງຖືກຂໍ PIN ຊັ້ນທີ 2 ເປີດເບິ່ງໃນລະບົບ →	TOR 3.3
`NFR-03`	ການຕິດຕາມການໃຊ້ງານ	ບັນທຶກ audit trail ລະອຽດ: ຜູ້ໃຊ້ · ຟິວທີ່ແກ້ · ຄ່າເກົ່າ/ໃໝ່ · ຜົນ · ເວລາ · ຄວາມພະຍາຍາມເຂົ້າໂດຍບໍ່ມີສິດ	ແກ້ຂໍ້ມູນ 1 ລາຍການ ແລ້ວກວດວ່າມີບັນທຶກຄົບທຸກຊ່ອງ ເປີດເບິ່ງໃນລະບົບ →	TOR 3.3
`NFR-04`	ສອງພາສາ	ໜ້າຈໍໃຊ້ໄດ້ທັງພາສາລາວ ແລະ ອັງກິດ ຄົບທຸກຂໍ້ຄວາມ	ສະຫຼັບພາສາແລ້ວຕ້ອງບໍ່ມີຂໍ້ຄວາມຄ້າງເປັນອີກພາສາ (ລະບົບກວດຄູ່ຄຳສັບອັດຕະໂນມັດ) ເປີດເບິ່ງໃນລະບົບ →	TOR 3.4
`NFR-05`	ການແບ່ງຂໍ້ມູນຕາມສູນ	ຜູ້ໃຊ້ຂອງສູນໜຶ່ງ ຕ້ອງບໍ່ເຫັນ ແລະ ບໍ່ແກ້ຂໍ້ມູນຂອງສູນອື່ນໄດ້	ເຂົ້າດ້ວຍບັນຊີສູນສາຂາ ແລ້ວກວດວ່າລາຍການທີ່ເຫັນ ມີແຕ່ຂອງສູນຕົນເອງ ເປີດເບິ່ງໃນລະບົບ →	TOR 3.1
`NFR-06`	ໃຊ້ໄດ້ໃນມືຖື	ໃຊ້ໄດ້ດີໃນມືຖື ແລະ ຕິດຕັ້ງເປັນແອັບໄດ້ ໂດຍບໍ່ຕ້ອງຜ່ານ app store	ເປີດດ້ວຍມືຖື → ກົດຕິດຕັ້ງ → ມີໄອຄອນ ແລະ ເປີດແບບເຕັມຈໍ ເປີດເບິ່ງໃນລະບົບ →	TOR 3.1
`NFR-07`	ຄວາມພ້ອມໃຊ້ ແລະ ການສຳຮອງ	ມີລະບົບຕິດຕັ້ງ 2 ຊຸດ (ໃຊ້ຈິງ + ທົດສອບ) ພ້ອມສຳຮອງຂໍ້ມູນ ແລະ ຕິດຕາມສະຖານະ	ກວດວ່າມີໄຟລ໌ສຳຮອງຫຼ້າສຸດ ແລະ ກູ້ຄືນທົດລອງໄດ້ ເປີດເບິ່ງໃນລະບົບ →	TOR 4
`NFR-08`	ການເຊື່ອມຕໍ່ກັບລະບົບອື່ນ	ເປີດຊ່ອງທາງ REST API ໃຫ້ LMIS ດຶງຂໍ້ມູນໄດ້ ພ້ອມເອກະສານປະກອບ	ເອີ້ນ endpoint ດ້ວຍ token ທີ່ຖືກຕ້ອງ ຕ້ອງໄດ້ຂໍ້ມູນ JSON ຄົບ ເປີດເບິ່ງໃນລະບົບ →	TOR 3.2

6. ຄວາມຄອບຄຸມຕາມ TORTOR Traceability Matrix

ຢືນຢັນວ່າທຸກຂໍ້ໃນ TOR ມີໜ້າວຽກຮັບຜິດຊອບ — ບໍ່ມີຂໍ້ໃດຕົກຫຼົ່ນ.

TOR	ຂໍ້ກຳນົດ	ໜ້າວຽກທີ່ຮັບຜິດຊອບ	ຄືບໜ້າ
TOR 3.1	ເວັບໄຊ: ໂປຣໄຟລ໌ສູນ, ຫຼັກສູດ + ຄ່າຮຽນ, dashboard ຂ່າວ/ຕົວຊີ້ວັດ	ເວັບໄຊສາທາລະນະ / Public Website · ຈັດການສະຖາບັນ / Institutional Management	95%
TOR 3.1	ຈັດການຜູ້ເຂົ້າຝຶກ: ສະໝັກອອນລາຍ, ລົງທະບຽນ, ໂປຣໄຟລ໌, ປະຫວັດຝຶກ, ຂາດ-ມາ, ໃບຢັ້ງຢືນ, ຄະແນນ	ຈັດການຜູ້ເຂົ້າຝຶກ / Trainee Lifecycle · ໃບຢັ້ງຢືນ ແລະ ຄະແນນ / Certification & Scoring	75%
TOR 3.1	ຕິດຕາມການມີວຽກເຮັດງານທຳຫຼັງຈົບການຝຶກ	ຕິດຕາມການຈ້າງງານ / Employment Tracking	75%
TOR 3.1	ຈັດການຄູຝຶກ: ລົງທະບຽນ, ໂປຣໄຟລ໌, ມອບໝາຍສອນ	ຈັດການຄູຝຶກ / Trainer Management	55%
TOR 3.1	ຈັດການຫຼັກສູດ: ກຸ່ມ/ລະດັບ/ວິຊາ, ຕາຕະລາງ, ຊັບພະຍາກອນ	ຈັດການຫຼັກສູດ / Course Management	60%
TOR 3.1	ຈັດການສະຖາບັນ (1 SDI + 6 SDCs, ຫຼາຍສູນ)	ໂຄງສ້າງຫຼາຍສູນ / Multi-Center Architecture · ໜ່ວຍງານ ແລະ ຊັ້ນ / Org Units & Hierarchy · ຈັດການສະຖາບັນ / Institutional Management	89%
TOR 3.2	ເຊື່ອມຕໍ່ກັບ LMIS (REST API + API catalogue)	ເຊື່ອມ LMIS / REST API	65%
TOR 3.1	ການປະເມີນຄູຝຶກ, ການທົບທວນ ແລະ ຄຳຕິຊົມຕໍ່ສະຖາບັນ	ປະເມີນຄູຝຶກ ແລະ ສະຖາບັນ / Evaluation	70%
TOR 3.1	ແອັບມືຖືສຳລັບຜູ້ຫາວຽກ	ແອັບມືຖື (PWA) / Mobile App	60%
TOR 3.1	ຕິດຕາມ ແລະ ລາຍງານ: dashboard, ລາຍງານ, export Excel/PDF	ຕິດຕາມ ແລະ ລາຍງານ / Monitoring & Reporting	84%
TOR 3.3	ຈັດການຜູ້ໃຊ້ ແລະ ບົດບາດ (RBAC)	ບົດບາດ ແລະ ສິດ / Roles & Permissions	90%
TOR 3.3	ຄວາມປອດໄພ: 2FA ດ້ວຍ PIN, SSL/TLS	ຄວາມປອດໄພ: PIN 2FA + SSL/TLS	85%
TOR 3.3	Audit trail ລະອຽດ (ຜູ້ໃຊ້, ຟິວທີ່ແກ້, ຜົນ, ຄວາມພະຍາຍາມເຈາະລະບົບ, ເວລາ)	ເສີມ Audit Trail / Audit Hardening	85%
TOR 3.4	ໜ້າຈໍສອງພາສາ ລາວ + ອັງກິດ	ຕົວຕົນ ແລະ ໂລໂກ້ / Branding	98%
TOR 3.5	ປະສິດທິພາບ: 50 ການລົງທະບຽນ/ຊົ່ວໂມງ/ສູນ, 7 ສູນພ້ອມກັນ; ທົດສອບ QA ແລະ load	ທົດສອບ QA / QA & Testing	88%
TOR 4	ຕິດຕັ້ງທີ່ data centre ຂອງ SDI (production + QA), backup ແລະ monitoring	ຕິດຕັ້ງ QA + Production / Deployment	15%
TOR 5	ຝຶກອົບຮົມ, ຄູ່ມື, ສົ່ງມອບ source code, UAT sign-off	ຝຶກອົບຮົມ · ເອກະສານ · ສົ່ງມອບ / Training & Handover	58%

7. ຂໍ້ສົມມຸດ ຂໍ້ຈຳກັດ ແລະ ຂໍ້ຕິດຄ້າງAssumptions, Constraints & Blockers

ເງື່ອນໄຂທີ່ຄວາມຕ້ອງການຂ້າງເທິງອີງໃສ່. ຂໍ້ຕິດຄ້າງອ່ານສົດຈາກກະດານ.

ປະເພດ	ລາຍລະອຽດ
ຂໍ້ສົມມຸດ	ສະຖາບັນເປັນຜູ້ສະໜອງຂໍ້ມູນຕັ້ງຕົ້ນ (ສູນ · ພະແນກ · ຫຼັກສູດ · ຄູຝຶກ · ຜູ້ເຂົ້າຝຶກ) ຕາມບັນຊີທີ່ຕົກລົງກັນ
ຂໍ້ສົມມຸດ	ຜູ້ໃຊ້ທຸກຄົນເຂົ້າລະບົບຜ່ານອິນເຕີເນັດດ້ວຍ browser ທີ່ທັນສະໄໝ — ບໍ່ຕ້ອງຕິດຕັ້ງໂປຣແກຣມໃນເຄື່ອງ
ຂໍ້ຈຳກັດ	ພັດທະນາຕໍ່ຍອດຈາກຊຸດຊອບແວບໍລິຫານສະຖາບັນທີ່ມີຢູ່ ຈຶ່ງຕ້ອງຮັກສາໂຄງສ້າງພື້ນຖານເດີມໄວ້
ຂໍ້ຈຳກັດ	ເຄື່ອງແມ່ຂ່າຍໃຊ້ບໍລິການຝາກຂອງ ໂທລະຄົມລາວ ຕາມສັນຍາ 1 ປີ — ຕ້ອງວາງແຜນຕໍ່ອາຍຸ ຫຼື ຍ້າຍກ່ອນໝົດກຳນົດ
ຂໍ້ຕິດຄ້າງ	—
ຂໍ້ຕິດຄ້າງ	—
ຂໍ້ຕິດຄ້າງ	—
ຂໍ້ຕິດຄ້າງ	—
ຂໍ້ຕິດຄ້າງ	—
ຂໍ້ຕິດຄ້າງ	—
ຂໍ້ຕິດຄ້າງ	—

8. ການຮັບຮອງເອກະສານApproval

ຂໍການຮັບຮອງ ຜົນສົ່ງມອບ D1

ຂໍໃຫ້ສະຖາບັນພິຈາລະນາຮັບຮອງເອກະສານສະບັບນີ້ ເພື່ອໃຫ້ວຽກພັດທະນາ (D3) ດຳເນີນຕໍ່ໄດ້ຢ່າງໝັ້ນໃຈ. ຖ້າມີຂໍ້ໃດຕ້ອງແກ້ ຫຼື ເພີ່ມ ກະລຸນາໝາຍລົງໃນຊ່ອງຂ້າງລຸ່ມ.

ຮັບຮອງທັງໝົດ — ເລີ່ມ/ສືບຕໍ່ວຽກພັດທະນາຕາມເອກະສານນີ້

ຮັບຮອງໂດຍມີເງື່ອນໄຂ — ໃຫ້ແກ້ຂໍ້ທີ່ໝາຍໄວ້ກ່ອນ

ຂໍ້ສັງເກດ / ຂໍ້ທີ່ຕ້ອງແກ້:

ຜູ້ຈັດທຳ — ທີມພັດທະນາ SD MISວັນທີ ......... / ......... / .........

ຜູ້ຮັບຮອງ — ຄະນະນຳສະຖາບັນພັດທະນາສີມືແຮງງານວັນທີ ......... / ......... / .........

ສັນຍາ C2.2-C-4 · ຜົນສົ່ງມອບ D1 · ເວີຊັນລະບົບ — ສ້າງອັດຕະໂນມັດຈາກລະບົບ ເມື່ອ 16/09/2026 21:51